HF

HF – High Frequency – frekvenseqarfimmi 3-30mHz-imi AM-SSB-iimi (Amplitude modulation & Single Side Band) radiokkut attaveqaat.

• Angallatit akornanni aammalu angallatit sinerissamilu radioqarfiit imaluunniit nunami stationeqarfiit allat akornanni attaveqatigiinnermut atortoq.
• Kalaallit Nunaata eqqaani nunarsuullu sinnerani umiarsuit annerit atortagaat.
• Isorartussusaata nunarsuaq tamakkersinnaavaa.
• Radioqarfiit nunarsuatsinniittut amerlaqisut atugaraat.

1992-imi Aasiaat radioata HF-imut radioqarfik aallartippaat. Qeqertarsuarmi Aasiannilu inissisimapput nassitsissutit, angallatinut ungasissorsuarmiittunut telefoniimik paarlaasseqatigiissitsisinnaasunik.

HF-kanalit sulisunit ulloq unnuarlu naalaarneqartarput.

MF-imut aamma VHF telefoniimut akit (appasissut) assigalugit sianertoqarsinnaavoq, telegramminik nassiussisoqarsinnaalluni, silassamut tunngasunik paasissutissanik piniartoqarsinnaalluni il.il.

Kalaallit Nunaanni HF kanalimik atuisinnaatitsisut inissisimaneri

Qulaani Kalaallit Nunaanni HF kanalimik atuisinnaatitsisut inissisimaneri takuneqarsinnaapput.

HF frekvensit

Aasiaat radio HF-ikkut attavegineqarsinnaavoq kanalit frekvensillu ataani taaneqartut atorlugit.

MF-ikkut VHF-ikkullu aallakaatitsinerit ilutigalugit kanalini/frekvensini ersarissisitani angalasunut nalunaaruteqarfissat kiisalu imaani sillimanissamut nalunaarutit aallakaatinneqartarput.

Kanalit tamarmik ulloq unnuarlu naalaarneqartarput.