Menu

Angallatip radioatigut oqaluussinissamut qanoq inniminniisoqartarpa

Angallatinut radiokkut oqaluussiniarnermi Aasiaat radioata sullissinermut normuatigut 130-kkut inniminniisoqartarpoq.

Sinerissami radioqarfimmi sullissisut oqaloqatiginninniarnerni inniminniissutissavaatsit kiisalu qanoq akeqarnerinik paasitissallutit.

Oqaluussinermut iliuutsit imaapput:

  • Inniminniineq tiguneqaraangat angallat ingerlaannaq attaveqarfiginiarneqartarpoq.
  • Angallatinut oqaluussiniarnerit sukkanerpaamik ingerlateqqinniarneqartarput apeqqutaalluni angallat Aasiaat radioanik naalaarnersoq aammalu radiokkut attaveqaatit oqaluunnissaq ajornartoqartinnginneraat.
  • Angallat akinngippat angalasunut nalunaaruteqarnissanut ilanngunneqartarpoq, taakkualu nalunaaquttap akunneri pingasukkaarlugit aallakaatinneqartarput sapinngisamik Sinerissami radioqarfiup nassitsissutai tamaasa atorlugit.

Angallammut radiokkut oqaluussiniarneq qaqugukkut akineqartarpa

Nunaminngaanniit angallammut oqaluussiniarluni inniminniineq VHF kanalikkut tamatigut pisarpoq sumiiffimmi Aasiaat radioata angallammik kingullermik attaviginniffigisimasaanut.Oqaluussinissaq tamatuma kingorna angalasunut nalunaaruteqarnissamut ilanngunneqartarpoq.

Angallat VHF-ip angusinnaanngisaaniippat angalasunut nalunaaruteqarnermi tullermi attavigineqassaaq, attaviginnittoqassaarlu sapinngisamik sinerissami radioqarfiup piffissami tassani nassitsissutaasigut atorneqanngitsutigut.

Angallatit angalatillutik sapingisamik sinerissap radioata frekvensiinik kanaliinillu naalaartariaqarput. Angalasunut nalunaaruteqarnerni angallatip atini tusaruniuk piaarnerpaamik akissuteqassaaq.

Malugiuk, angallatit sapinngisamik attavigineqarsinnaaqqullugit, Aasiaat radioata piffissami angalasunut nalunaaruteqarfissap qanillinerata tungaanut oqaluussiniartut utaqqimaartinniartarmagit.

Aasiaat radioata angalasunut nalunaarutit aallakaatittarpai HF-imi, MF-imi VHF-imilu frekvensit kanalillu atorlugit.

Radiokkut telegrammit 

Aasiaat radioat frekvensit tamaasa atorlugit angallatiniit radiokkut telegramminik ingerlatitseqqiisuuvoq. 

Pingaarnerpaatut isumagineqarput sumiissuserniornermik nalunaarutit, sinerissamik nakkutilliinermut tunngatillugu telegrammit, silasiornerit, inuit namminneq telegrammii, umiarsuarnut nioqquteqartartunut inniminniinernik telegrammit, agentinut il.il..

Ullumikkut qaqutigoorpoq inuit namminneq telegrammiminnik nassitsisarnerat. Tamanna nalliuttorsuit nalaanni pinerusarpoq aammalu inuuissiortunut assigisaannullu tunnganerusarlutik.