Menu

VHF

VHF – Very High Frequency - sunngiffimmi aammalu inuussutissarsiutitut angallatinut kiisalu umiatsiaaqqanut amerlaqisunut ikkussuunneqartarpoq.

Angallatini annerusuni VHF-it assigiinngitsut arlallit ikkussuunneqarsimasarput, tamakku angallammi namminermi attaveqatigiinnernut aammalu angallatip sillimaniarnermi atortuata ilaatut atorneqartarput.

VHF radiot assigiinngitsut arlallit pigineqarput: 

  • Sunngiffimmi angallammi imaluunniit inuussutissarsiutitut angallammi aalajangersimasumik ikkussuussaaguni angusinnaasaa nalinginnaasoq 10-20 sømiliuvoq.
  • Umiatsiaaqqani tigummiartakkatut angusinnaasaa annikinneruvoq – nalinginnaasumik 5-10 sømiliulluni.
  • Umiarsuarni annerusuni portusuumi antennelerfiusinnaasuni angusinnaasaa 20-30 sømiliuvoq.

Kangerlunni, kangerliumanerni, qaqqat sinersillugit aammalu sikup sinaava sinertillugu piffiit ilaanni VHF-imik atuisinnaanerup ajornarsinnaanera imaluunniit qularnaatsumik atuisinnaanerup ajornarsinnaanera ilimagineqartariaqarpoq.

Umiatsiami ikkussuussimagaanni Aasiaat radioanik aammalu angallatinik qanittuniittunik attaveqartoqarsinnaassaaq, tassuuna VHF radio mobiltelefonimut naleqqiulluni pitsaaneroqaaq.

Sinerissami portusooqarfinni arlalissuarni Aasiaat radio VHF stationeqarfeqarpoq. Inissisimanerusarput sakkortusaaveqarfiutigisuni, atortummi pioreersut taamaalillugit atorluarneqartarmata.

Inissisimaffiit Aasiaat radioata angusinnaasaanik annertunerutitseqaat VHF-ip nalinginnaasumik angusinnaasaanut naleqqiullugu. Misigineqarajuttarpoq kangerloqarfiit ilarujussuini attaveqartitsisinnaasarnerput, soorlu assersuutigalugu Qeqertarsuup Tunua imaluunniit Nuup kangerluani.

VHF-eqarfiit tamarmik immikkut sullissinermut ulloq unnuarlu naalaarneqartartumik kanaleqarnerisa saniatigut aammattaaq ajunaalernermi sullissinermut atassuteqaat kanal 16 sinerissami radioqarfinnit naalaarneqartuartuuvoq.

Sooq VHF-i?

VHF-kanalit

VHF DSC radiumut atortut

Teknikkimut nassuiaat

Angalallutit aallartinnak

Angalasunut nalunaaruteqarfissat