Menu

Kalaallit Nunaata imartaani angalallutit aallannginnerni silap qanoq innissaa paasiniaqqaartariaqarpat. Tassa najukkap qimatassap, ingerlaarfissap aammalu tikiffissap silaata qanoq innissaa.

Ulluni arlalinni angalasussaatilluni aallarnissaq ullunik arlalinnik sioqqullugu silassamik ilimasaarutit tusarnaaqqaartariaqarput:

Radiofoni: Silassamik ilimasaarutit Kalaallit Nunaata Radioata – KNR-ip radiofoniikkut aallakaatittarpai.

VHF: Aasiaat radiop KNR sinnerlugu imartanut silassamik ilimasaarutit aallakaateqqittarpai. Aallakaatitsisoqartarpoq piffissani aalajangersimasuni, tassa nalunaaqutaq 0805 aallakaateqqinneqartartoq 1205 kiisalu nalunaaqutaq 1805 aallakaateqqinneqartartoq nalunaaqutaq 2205.

Telefonikkut: TELE-POST Kalaallit Nunaanni illoqarfinni silassaq pillugu telefonikkut 153/154-ikkut (kalaallisut/qallunaatut) nalunaaruteqartarpoq.

Internettikkut: Kalaallit Nunaata imartaani silassaq pillugu internetimi www.dmi.dk innersuussutigineqarpoq.

Malugiuk, illoqarfinnut silassamik ilimasaarutit taamaallaat atuummata illoqarfiup eqqaanuinnaq; imartanulli silassamik ilimasaarutit atuummata sinerissami - 'ikkarlummiit avallermiit' - avammut.
Imartanut asseq DMI-meersoq takuuk.

Imaani angalassallutit aallaleruit aamma eqqaamakkit:

  • Orsussamaatissaq
  • Motorimut taartissamaatissat (tændrørit)
  • Iputit
  • Sakkuutit
  • Atisat oqortut
  • Aalisaatit nerisassallu
  • VHF radio
  • FM/AM radiomik tigooraasoq batteriilik
  • Mobiltelefoni, naak taannaVHF-ituulli periarfissaqartiginngikkaluartoq.

Minnerunngitsumillu: Angalanissannik, qaqugu tikinnissamik naatsorsuutiginninninnik sumunnarfissannillu ilaquttatit ilisimatikkit..

Aamma atorsinnaavat sinerissami nakkutilliineq – tamanna pillugu annertunerusumik atuarit uani: Kiffartuussiviit