Menu

mit.telepost.gl

Mit.telepost.gl tassaavoq TELE-POST-ip imminut sullinnermut isertarfia. Tassani qaqugukkulluunniit atuinerit takusinnaavat. Akiligassarujussuaqalerusunngikkuit internetinnut mobilinnullu atuinissaq qummut killilersinnaavat. Nalunaarutisisarnissaq atorsinnaanngortissinnaavat, taamaalillutit atorsinnaasavit 80%-ia aamma/imalunniit 100%-ia angugaangakku SMS-imik aamma/imaluunniit e-mailimik nassinneqarsinnaalissaatit.

Mit.telepost.gl-imi akiligassatit PDF-filitut takusinnaavatit. Girokorti atortarusunngikkukku aamma akiliinermi tapiliussat akilertarusunngikkukkit nittartakkami tassani aamma Betalingsservicemik atuisunngornissamut nalunaarsinnaavutit.

Suli atuisunngortissimanngikkuit uuma toorneratigut ilitsersuuterput takusinnaavat. Taamaallaat atorfissaqartippatit CPR-normut, atuisutut normut, atuisutut taaguutigiumasat isertaatigerusutallu.

Atuinerpit qummut killilernissaanut ikiorneqarnissaq pisariaqartikkukku una tooruk.

Siusinnerusukkut atuisunngortereersimaguit isissutilli puigorsimallugu, nutaamik sanasinnaalluarputit. Qanoq iliornissat uani takuuk.

Mit.telepost.gl-imukarit

1800-imut SMS-erit

TUSASSeqaruit imaluunniit mobilpakket arlaat atugarigukku saldo oqaasertaliullugu 1800-imut SMS-imik nassiussisinnaavutit. TUSASSeqarsimaguit, taava aningaasat sinnerussavit annertussusaannik akissutisissaatit. Mobilpakket arlaat Mobil Akulleq imaluunniit Mobil Angisooq atugarigukkit atorsinnaasavit sinneri qanoq annertutiginersut pillugit akissutisissaatit.

Mobilt Bredbånd Simpleqaruit kiffartuussissut 1800 aamma atorsinnaavat atorsinnaasavillu sinneri nalunaarutisiaralugit.

*801#

TUSASSeqaruit *801#-mut sianersinnaavutit. *801# toortareerlugu sianernermut tuugassaq toorukku erngerlutit atorsinnaasavit sinneri nalunaarutisiarissavatit.