Menu

Internetit arlaannik akornuteqarsimappat, tamanna arlalinnik pissuteqarsimasinnaavoq:
 

Atuinissamut killissaq

Attaveqaammi attartukkanni atuinissamut killisaq angusimasinnaavat. Killiliussaq mit.telepost.gl-imi qaffassinnaavat.

Flatrateqaruit sukkassuseq appartinneqassaaq, fair use killissimagukku. Taamaattumik Internetimik atuinerit mit.telepost.gl-imi malinnaaffigiuk.   

Attaveerunneq

TELE-POST-ip ingerlatsinermut paasissutissiisarnera indbakkinnut imaluunniit mobilinnut nassiunneqartittaleruk una aqqutigalugu.

Eqqassinni najugallit Wi-Fi-mut attavilippassuit

Eqqassinni ledningeqanngitsumik Internetsimut attavilippassuaqarpat, illit Internetimik atuinerit ajoqusersorneqalersinnaavoq. Taamaattoqarsimappat, taava routerinni Wi-Fi kanali nuussinnaavat. Kanali nammineerlutit http://ibox/ iserfigalugu nuussinnaavat, iserfigissavallu smartphonit aqqutigalugu, Wi-Fi-t atorlugu. Allamik periaasissaq, tassaavoq PC/MAC-kut kabeli atorlugu Internetimut attavilerneq. Uani ilitsersuut takujuk, maluginiaruk ilitsersuut qallunaatuinnaq allaqqammat.

Routerip inissisimanera

1.    Modemit angerlarsimaffinni sumiiffimmi interneterfiginerusartakkannut qitiusumut, aammalu silaannarmik nillusaasussamut assiaqutaqanngitsumut inissiguk.

2.    Routerivit angusinnaasaa annertusiumallugu sapinngisamik qutsissumut inissiguk.

3.    Modemit iikkamut saviminertalinnut, soorlu sikaavinnut saviminermik sanaanut, ungasilluartumut inissiguk, betonngimmi mattusagaanerata Wi-Fi-p signalia sakkortuumik annikillisissinnaammagu

4.    Modemivit atortunut ledningeqanngitsunut, soorlu telefoninut ledningeqanngitsunut, meeraaqqat kalerrisaarutaannut, mikrobølgeovninut assigisaannullu qanittumiinnginnissaa isumagiuk

5.    Assersuutigalugu radiatorit eqqaannut routerit inissinnaaveersaaruk. Kiaap nillertullu nikerarpallaarfiinut pujoralaffiusumulluunniit routerimik inissiineq aammalu signalimut ajoqutaapput.