Menu

 

Webmail-imut iserit 

 

Apeqqutit akissutillu - Greennet.gl atorunnaarsinneqarnera

Ulloq 20. marts 2017 atuisut greennet-ip matunissaa pillugu e-mail una tiguaat (PDF)

Mail-it ingerlateqqinneqartarnissaat atorsinnaanngorteqqullugu uunga iserit

 

Ullut pingaarutillit:

20.03.17: Atuisut tamarmik atuisuujunnaartinneqassapput. Atuisut tamarmik greennet mailiminni atuisuujunnaarnissamik tunngasumik nalunaarutisisimassapput. 

20.03.17: Sullitat attartornermik atuisuujunnaarnissaq pillugu e-mailimi tigusaminni innersuussissut malillugu e-mailinik ingerlatitseqqissinnaanngortitsisinnaapput imaluunniit TELE-POST-ip nittartagaatigut greennt-iminnut isernermikkut taamaaliorsinnaallutik.

20.09.17: Webmail matuneqassaaq, atuisullu taamaallaat aasinnaanngussavaat PST-filitut. 

20.01.18: Sullitatta greennetimi pigisatik aasinnaajunnaassavaat greenneti matuissammat. 

20.01.19: Ingerlatitseqqiisinnaaneq atorunnaassaaq. 

 

Greennetip atorunnaarnissaanut pissutaasoq: 

TELE-POST-ip ukiorpaalunni e-mailikkut atortulersuut greennet.gl innuttaasunut aammalu suliffeqarfinnut atorsinnatissimavaa. Kalaallit Nunaanni e-mailinik atuinerup siammarneqarnissaanut greennetip atornera siunertaasimavoq, tamannalu maanna pisariaarussimavoq. 

TELE-POST-ip kiffartuussissut maanna atorunnaalerpaa nutaanngilimmat aammalu e-malinut atortulersuutit isumannaannerit akeqanngitsullu allat piummata. TELE-POST-ip periusissiaanut nutaamut atatillugu suliffeqarfissuarmi pisariillisaaneq ingerlanneqarpoq, tamannalu tunngavigalugu kiffartuussissut pisariusoq atorunnaasinneqalerpoq. 

 

Atuisoq pillugu paasissutissat:

Greennetip atorunnaarnissaata tungaanut e-mailisiatit iserfigisinnaajuaannassavatit. Tassani auto-reply imaluunniit e-mailinik ingerlatitseqqiisarneq atorsinnaanngortissinnaavat.  

20.09.17-ip kingorna greennetip imai fil-inngorlugit aanissaat periarfissarissavat, tamanna  20.01.18-ip tungaanut pisinnaassaaq. 

 

E-mailinik ingerlatitseqqiisarneq: 

Ingerlatitseqqiisinnaanerup atorsinnaanngortinnissaa ukiuni marlunni periarfissarisinnaagit neqeroorutaavoq. Atorunnaarsitsinissaq pillugu e-mailimi ilitsersuutit malillugit imaluunniit greennet.telepost.gl-imut iserlutit tamaaliorsinnaavutit. Greennet kontomut allamut ingerlatitseqQIISINNAANNGILATIT. 

E-mail adressip tigusisussap allanngortinnissaa pisariaqartilissagukku iluuserisat aallaqqaataaniissavat. 

Ingerlatitseqqiisinnaaneq atorsinnaavoq 20.03.17-imiit 20.01.19-imut. 

 

E-mailisiakka ingerlateqqitat outlook.com-imi Junk folder-imut ikisarput – Tamanna qanoq iliorlunga pinngitsoortissinnaavara? 

 

1. @greennet.gl adressit Outlook.com-imi inissititerinerni "Safe mailing list"-inngortiguk 

 

2.  Outlook.com-imi inissititerinerni forwarded-noreply@greennet.gl-i "Safe senders"-inngortiguk 

 

E-mailisiat Junk folder-imut ikineqannginnissaannut tamanna qulakkeerinnittuunngilaq, iluaqutaassallunili mailit ingerlateqqitat mailit allat assigalugit suliarineqartarnerannut. 

  

Forwarding-ip atorsinnaanngortinneqarniarnera qanoq sivisutigisarpa? 
Ingerlatitseqqittarnerup uppernarsarneraniit minutsit 15-it iluanni atorsinnaanngortarpoq. 

 

Isertaatiga (password) suua? 

Kodit puiorsimagukku Atuisunik Sullissiviup kodimik nutaamik pisaarnissat isumagissavaa . 80 80 80-imut sianerit sullissisut attavigiumallugit.  

 

Nutaamik e-mail kontoliorniaruma ilitsersuut sumi nassaarisinnaavara? 

E-mailinik kontonik pilersuilluni sullissisumik sorlermik toqqaasimanerit apeqqutaavoq. E-mailinik sullissisut tulleriiaaqqissaakkanik malitassanik ilitsersuusiorsimasarput. 

 

greennet.gl e-mail adressimik piseqqammerpunga, aningaasat utertissinnaavakka? 

Domænit 20.09.16-ip kingorna pisiarisimagukku, aningaasat utertinnissaannik neqeroorfigisinnaavatsigit. Aningaasaatitit utertinniarlugit 80 80 80-imut sianerit.

 

Domænit 20.09.16 sioqqullugu pisiarisimagukku, ukioq akilersimasat tamaat nioqqutimik atuisinnaassaatit, taamaattumik aningaasat utertinneqarsinnaassanngillat.

 

Qaammammut akiliuteqartarnikkut greennet.gl e-mailera pigiinnarsinnaavara? 

Naamik, taamaaliorsinnaanngilatit.

 

Kiffartuussissut sooq atorunnaarsinneqarpa? 

Kalaallit Nunaanni mailinik atuinerup siammarneqarnissaanut greennetip atornera siunertaasimavoq, tamannalu pisariaarussimavoq. 

TELE-POST-ip kiffartuussissut maanna atorunnaalerpaa nutaanngilimmat aammalu e-malinut atortulersuutit isumannaannerit akeqanngitsullu allat piummata. TELE-POST-ip periusissiaanut nutaamut atatillugu suliffeqarfissuarmi pisariillisaaneq ingerlanneqarpoq, tamannalu tunngavigalugu kiffartuussissut pisariusoq atorunnaasinneqalerpoq

 

E-mailima nalunaarsorsimaffiini qanoq ilillunga allanngortissavara? 

Sumiinneq apeqqutaavoq. Amerlanerit kontominnik inissititerinerminni innersuussummik peqarput, tassuunalu e-mailit allanngortissinnaavat. 

 

E-mailinik qanoq sivisutigisumik nassiussisinnaallungalu tigusaqartarsinnaavunga? 

Mailinik nassiussillutillu tigusaqartarsinnaavutit 20.09.17-ip tungaanut. 

 

E-mailima imaanik qanoq iliorlunga aallersinnaavunga?

20.09.17-ip kingorna neqeroorfigineqassaatit imarisaasa .pst fil-itut aaneqarsinnaanerannik. Tamatuma pisariaqartissavaa greennet-mailitoqqannut isersinnaanerit isertaatit atorneqartartoq atorlugu.

 

.pst fil suugami?

.pst filformat-iuvoq e-mailinik pilersuisuusunit amerlanernit akuerisaasoq. Qanoq iliortoqarnissaanut apeqqutaavoq atortulersuutit arlaannik toqqaasimaneq. TELE-POST taamaattumik tassani ikiuussinnaanngilaq, kisiannili pisiffigisimasamit ikiorneqarnissamik innersuussisinnaalluni. Allanik ikiorneqarnissaq pillugu Atuisunik Sullissivik sianerfigiuk 80 80 80-imut.

 

’Forward modtager’ e-mail adressera qanoq iliorlunga allanngortissavara? 

https://greennet.telepost.gl-imut  isissaatit greennetimullu isertarninnut paasissutissaatitit allattorlugit, tamatuma kingorna e-mailisisarfigisinnaasannik nutaamik toqqaasinnaanngussaatit. Taamaaliorsinnaajuassaatit ingerlatitseqqissinnaanermik 20.01.19 matusinissatta tungaanut. 

 

Atorunnaarsitsinissamut e-mailera piiartoorsimavara, kisianni ingerlatitseqqissinnaanera atorsinnaanngortikkusuppara? 

https://greennet.telepost.gl-imut isissaatit taavalu greennet-imut isertaativit paasissutissartai allattorlugit, tamatuma kingorna periarfissarilissavat e-mailimik tigooraavimmik nutaamik toqqaasinnaaneq. Taamaaliorsinnaajuassaatit ingerlatitseqiisinnaanerup 20.01.19 matunissaata tungaanut.