Menu

1. TELEmit NIPI

TELEmit NIPI illit TUSASS imaluunniit mobiltelefoninni nammineerlutit akisartoraat. Sianertut tamarmik nammineertumik TELEmit NIPImut nuunneqartarput:

  • Telefonit qamissimagaangakku.
  • Atuiffiusinnaasup avataaniitillutit.
  • Sianertoq tigunngikkaanngakku.

TELEmit NIPI nalunaarutinik qulinik inissaqartitsivoq, ullunilu 15-ini toqqorsimaneqartarput.

TELEmit NIPI-mik atuisoq nutaaq

TELEmit NIPI aallartinniarukku uunga sianissaatit:
+299 50 50 50

Tassani atuilerlaanut ilitsersuummut ingerlatinneqassaatit TELEmit NIPIp atorsinnaanngortinnissaanut ilitsersuisussamut, taamaalillutit namminivik tikilluaqqusissutigerusutat immiussinnaaqqullugu isissutissatullu kodit allattorsinnaaqqullugu.

TELEmit NIPImi toqqagassat pingaarnerit

TELEmit NIPI toqqagassaqarfeqarpoq pingaarnermik oqalulluni ilinnut nutaanik nalunaaruteqanngippat nammineertumik nuuffigisassat.
Nutaanik nalunaarutisiassaqaruit, nalunaarutisiassatit nutaat atuareerukkit, toqqagassaq pingaarneq tusaassavat.

Toqqagassami pingaarnermi uku toorsinnaavatit:

  • 1  nalunaarutit tusarnaarniarlugit (nalunaarutinik nutaanik toqqortanilluunniit peqaruit)
  • 9  allannguiniarlutit
  • 0  ikiorneqarniarlutit

Nalunaarutinik tusarnaarnerup nalaani

TELEmit NIPImi nalunaarutinik tusarnaartillutit uku toorsinnaavatit:

  • 8 unikkallarniarlutit
  • 9 sekundtit arfineq-pingasut siuartinniarlugu
  • 99 nalunaarutip naanera siuarfiginiarlugu
  • 0 ikiorneqarniarlutit
  • 00 annertusisamik ikiorneqarniaruit
  • 000 atuileqqaanut ilitsersuummut

TELEmit NIPImut attaviliineq

Mobilit normumut allamut ingerlateqqittussanngortissimagukku taarsiullugulu TELEmit NIPImut attavileerusukkuit, uku toortassavatit:

  • Akisoqartinnagu:  * * 61 * 50  mobilnormullu  # 
  • Sianerfiusinnaasup avataani:  * * 62 * 50  mobilnormullu #
  • Optageqqatillugu:  * * 67 * 50  mobilnormullu  #
  • Sianertut tamaasa:  * * 21 * 50  mobilnormullu  #

Aamma mobilinni akisisarnissamut toqqarneqarsinnaasut pioreersimappata, taakku atorsinnaavatit. Mobiltelefonivit ilitsersuutaa takuuk.

TELEmit NIPImik attaveersineq

Nunami allamiitillutit ilinnut nalunaaruteqartoqarsimatillugu roamingimut akiliisarputit. Aamma naak telefonit qaminngatikkaluarlugu. Periarfissaq tamanna attaveerniarukku TELEmit NIPI attaviissavat uku toortarlugit:

  • Akisoqartinnagu:  # # 61 #
  • Sianerfiusinnaasup avataani:  # # 62 #
  • Optageqqatillugu:  # # 67 #
  • Sianertut tamaasa:  # # 21 #

Nunami allamiitillutit TELEmit NIPI

Nunami allamiitillutit nalunaarutisiavit tigusinnaanissaat aammalu TELEmit NIPI-kkut tusarnaarsinnaanissaat qulakkeerumagukku telefonit ingerlaqqittussanngussavat uunga:

+299 50, mobilnormut kingullinngorlugu allallugu.

Tamanna taamaallaat atorsinnaavoq telefonip toqqagassaqarfiani mobiltelefonit illit nammineerlutit ingerlaqqittussanngorsimagukku. Nammineq toortaanerit atorsimagukkit ingerlaqqinneq nammineerluni pissaaq.
 



2. Ingerlatitseqqittarneq

Mobil-imik atuisutut sianeraluartut arajutsisariaqanngilatit, arlaannik patsiseqarlutit tigunngitsooraluarukkilluunniit. Mobil-imimmi atuisutut telefonit ingerlateqqittussanngortissinnaavat.
Kalaallit Nunaanni nunamilu allami telefonimut nalinginnaasumut mobilnormumullu ingerlaqqittussanngortitsisinnaavutit.

Normunnut sianertup naluaa sianernini ingerlaqqittussanngorsimasoq. Taamaammat nunami allami normumut ingerlatitseqqittussanngortitsisimaguit illiuvoq nunami allami akimik akiliisussaq.

Akisoqanngikkaangat sianernerup ingerlateqqittarnera

Sekundit 15-it iluanni telefonit tigunngikkukku sianerneq normumut allamut illit nammineq toqqarsimasannut ingerlateqqinneqassaaq.

  • Imatut attavilissavat: Tigummivia kiviguk, toortakkit ** 61 * telefonnormu #, nipip ersarissinissaa utaqqiuk ilillugulu.
  • Imatut attaviissavat: Tigummivia kiviguk, toortakkit ## 61 #, nipip ersarissinissaa utaqqiuk ilillugulu.
  • Ingerlatitseqqittussanngortitsinerit ajunnginnersoq paasiumallugu: Toortaruk * # 61 #, nipip ersarissinissaa utaqqiuk ilillugulu.

Optageqqanerani ingerlatitseqqinneq

Allamik oqaloqateqarlutit telefonit optageqqappat,  sianertoq normumut allamut illit nammineq toqqarsimasannut ingerlateqqinneqassaaq.

  • Imatut attavilissavat: Tigummivia kiviguk, toortakkit ** 67 * telefonnormu #, nipip ersarissinissaa utaqqiuk ilillugulu.
  • Imatut attaviissavat: Tigummivia kiviguk, toortakkit ## 67 #, nipip ersarissinissaa utaqqiuk ilillugulu.
  • Ajunnginnersoq paasiumallugu: Toortaruk * # 67 #, nipip ersarissinissaa utaqqiuk ilillugulu.

Sianernernik tamanik ingerlatitseqqinnerit

Aamma ajornanngilaq sianertunik tamanik normumut allamut ingerlatitseqqittussanngortitsineq.
• Attaviliineq: Tigummivia kiviguk, toortakkit ** 21 * telefonnormu #, nipip ersarissinissaa utaqqiuk ilillugulu.
• Attaveernera: Tigummivia kiviguk, toortakkit ## 21 #, nipip ersarissinissaa utaqqiuk ilillugulu.
• Ajunnginnersoq misiliguk: Tigummivia kiviguk, toortakkit * # 21 #, nipip ersarissinissaa utaqqiuk ilillugulu.
 



3. Kasuttorneq

Mobil-imik atuisutut telefonikkut oqaloqateqartillutit allanit oqaloqatiginiarneqarnerpit tusarnissaa periarfissaraat.

Kasuttorneq imatut Atorsinnaanngortiguk imaluunniit Attaveeruk:

  • Attavilernera: ** 43 #
  • Attavilernera: ## 43 #

Oqaloqatigisat marluk akornanni imatut nuuttoqartarpoq:

Oqaloqatigiinnerit marluk akornanni nuuttarnissamut aaqqissuussinerit telefonimiit telefonimut assigiinngissinnaasarput. Ilitsersuummi qanoq iliornissamik aalajangersimasumik allassimasoqanngippat, uku atuussimanissaat naatsorsuutigissavat:

  • Oqaloqatigiinnerit marluk akornanni nuunniaraanni, tooruk: 2 OK
  • Utaqqisitaq uterfiginiaraanni oqaloqatigiinnerlu ingerlataq kipitinniaraanni, tooruk: 1 OK
  • Utaqqisitaq naammassiniaraanni, tooruk: 0 OK
     


4. Utaqqisitsineq/Oqaloqatigiinnermi allamut nuunneq

Oqaloqatigiinnermi allamut nuunneq Mobil-ilinnut Nammineerluni iliuuseqarnikkut, piffissami ataatsimi ataatsikkut marluk oqaloqatigisinnaanerannik nuuttarsinnaanermillu periarfissiivoq.

Marluk akornanni imatut oqaloqatiginnissinnaavutit

Oqaloqateqartillutit nipi ”bib” tusarukku ima iliorsinnaavutit:

  • Sianernermik itigartitsineq: 0 OK
  • Oqaloqatiginninnermik unitsitsineq sianertumillu akisineq: 1 OK
  • Oqaloqatigiinnermik ingerlatamik utaqqisitsigallarneq, sianertumillu akisineq: 2 OK.

Oqaloqatigiinnerit marluk akornanni imatut nuuttarsinnaavutit

Oqaloqateqarnerit siulleq utaqqisunngortissimagukku sianertorlu akisimagukku, aajuku periarfissatit:

  • Oqaloqatigiinnerit marluk taakku akornanni nuuttarneq: 2 OK
  • Utaqqisitap uterteqqinnera oqaloqateqarnerullu ingerlanneqartup kipinera: 1 OK
  • Utaqqisitamik naammassinninneq: 0 OK

Oqaloqatigiinnerit marluk akornanni nuuttarnissamut aaqqissuussinerit telefonimiit telefonimut assigiinngissinnaasarput. Ilitsersuummi qanoq iliornissamik aalajangersimasumik allassimasoqanngippat, qulaaniittut atuussimanissaat naatsorsuutigissavat.