Menu
Your shopping cart is empty.

1. Bluetooth imaluunniit mobilima assiliivittaa ajoqutilittut nalunaarutigisinnaavakka?

Atortut mobilerniittut, TELE-p mobilitigut attaveqaatinut sullissinerinut attuumassuteqanngitsut, TELE-p sullissineranut ilaanngillat. Tassani pineqarput, Bluetooth, mobilivit assiliivittaa, nipilersuutinillu tusarnaarutit.

Atortut taakkua aserussagaluarpata, iluarsaassititsisinnaavugut. Pisariqartitsissaguillu TELE-POST Centerimut saaffiginnissutigisinnaavatit.

2. Qanoq ilillunga internet MMS-ilu mobilinni atulersinnaavakka?

Internet atulissagukku MMS-inillu tigusisinnaalissaguit, mobilit GPRS-imut  mms-imullu atuisinnaanngorlugu piareersaqqaartariaqarpoq.

Nammineerlutit mobiltelefonit piareersarsinnaavat automatiskimik piareersaaneq.

Nammineerluni piareersaaneq aamma atorsinnaavat.

TELE-POST Centerimut aamma saaffiginneriaannaavutit, ikiorniarlutit piareeqqavugut.

Atuinissamut piareersaatit mobilinneereeraluartut sulilu internetersinnaanallu MMS-inillu nassitsisinnaangikkuit 80 80 80-imut sianerlutit nalunaarutigissavat.

3. Nammineerluni iliuuserisinnaasat suunuku?

TELE-mi atuisut tamarmik telefoniminni atulersissinnaasaminnik NAMMINEQ TOORTAANEQ atorlugu arlalinnik periarfissaqarput.

TUSASS aamma Mobil atorlugit TELEsvar-imut isersinnaavutit. Mobilillu atorlugu aamma sullissinerit: Ingerlatitseqqittarneq, Kasuttorneq, Oqaloqatiginninnermillu nuussineq iserfigisinnaavatit.

NAMMINEQ TOORTAANERMIK mobiliniik atuineq uani takujuk

4. Mobilera qaminngagaluartoq nammineerluni akisartukkut nalunaarutisisinnaavunga?

Aap. TELEmit NIPI nammineerluni akisartorivat, taamaammat ilinnut sianertut akineqanngitsut tamarmik nammineerluni akisartumut nuutsinneqartarput. Tassa mobilit tigusisinnaanngikkaangat, akisinnaanngikkaangavit, mobililluunniit qaminngatikkaangakku.

TELEmit NIPI nalunaarutinut 10-nut inissaqarpoq nalunaarutillu ulluni 15-ini toqqoqqasarpai.

5. TELEmit NIPI nammineerlunilu akisartora qanoq ilillunga tusaasinnaavakka?

Mobilerniik 50 50 50-imut sianerlutit TELEmit NIPI tusaasinnaavat.

TELEmit NIPI fastnettelefonimiit aamma tusaasinnaavat. Tusarnaassagukkuli  immikkut toortagassamik toqqaanissat pisariaqarpoq. Mobilerniit 50 50 50-imut sianeriarlutit nammineq toortagassat (kode) toqqassavat, ilitsersuullu malillugu. TELEmit NIPI fastnettelefonimiit  50 50 50-imut sianeriarlutit mobilivit normua toortagassarlu toqqarnikuusat (kode) toortareerukkit tusaarnaarsinnaanngussuat.

6. TELEp SMS-inut nalunaarutaasivia qanoq normoqarpa?

TELE-p SMS-inut nalunaarutaasiviata normorivaa +299 50 00 05.

Mobiltelefonini amerlanerni SMS-inut nalunaarutaasivimmut normu mobiltelefonimik pisinerni ikkusimareertarpoq. SMS-inik nassitsinermi tigusinermilu ajornartorsiuteqassaguit, nammineerlutit normu ikkussinnaavat.

 

TUSASS

1. TUSASS-normora qanoq ilillunga immissavara?

TUSASS-normuit immernisaanut periarfissatit pingasuupput.

  1. www.telepost.gl aqqutigalugu.

    TELEkodimik immiineq www.telepost.gl -miittoq aqqutigalugu 

    Tassani ulloq unnuarlu TUSASS-normut immersinnaavat, telefonivit normua, e-mail-adressit, kortilu akiliutit atorlugit.

  2. TELEkodinik nioqqutilimmi

    Nioqqutilimmi TUSASS-TELEkodimik pisillutit immiisinnaavutit. Allagartaq (bon) 12-nik kisitsisilimmik koditaqarpoq.

    TUSASS-it immilerukku imatut iliussaatit:

    - TUSASS-imut mobiltelefonerniit sianissaatit 80 10 10-mut. Normumut tassunga sianerneq akeqanngilaq. TUSASS-imut ilitsersuisoq tusaassavat, taanna nammineerluni akisartuuvoq, qinigassatut periarfissatit assigiinngitsut oqaatigissavai.
    ​- 1 tooruk, TUSASS-kontot immerniarukku.
    - Kisitsisit allagartaaterniittut 12-it toortakkit #-millu naggaserlugit.
    - Kontot aningaasanik immeqqippoq, sianeqissinnaalerputillu.

    Kode 12-nik kisitsisitalik arfinileriarlutit kukkusumik toortarukku attaveqarnerit kipitinneqassaaq, kortillu atorsinnaajunnaassaaq.
    Taamaalisuussagaluaruit, TELE-p Atuisunut Sullissivianut 80 80 80-imut ikioqqullutit sianissaatit.

  3. SMS aqqutigalugu

    TUSASS-TELEkodinik nioqqutilimmi pisisimaguit aamma sms atorlugu TUSASS-imik immiisinnaavutit. Imatullu iliussaatit:

    Sms-imut ”TANK” kodelu 12-nik kisitsisitalik allakkit normumullu 1800-mut nassiullugu.

    Assersuut: TANK [TELEkode] 1800-mut

    SMS-ikkut telefonnormu alla illit piginngisat aamma immersinnaavat.

    Taammatut iliussaguit SMS-imut ”TANK” kodelu 12-inik kisitsisitalik, telefonnormulu immerniakkat allakkit, 1800-mullu nassiullugu.

    Assersuut: TANK [TELEkode] [TUSASS telefonnormu] 1800-mut

    2. Immiinermut kode ajorpat qanoq iliussaanga?

    Immiinermut kodevit atorsinnaannginnera eqqunngitsuunera imaluunniit atorneqareersimanera peqqutaasinnaapput.

    TELE-p Atuisunut Sullissivianut 80 80 80-mut ikioqqullutit sianissaatit.

    3. TUSASS-inniit immeqqammigaluarlugu sianersinnaanangalu allassinnaanngilanga. Sunamita ajoqutaava?

    Immaqa TELEkodit kukkusumik arfinileriarlutit toortarsimavat. TELEkode arfinileriarlutit kukkusumik toortarukku TUSASS-it nammineertumik matuneqassaaq.

    TELE-p Atuisunut Sullissivianut 80 80 80-mut ikioqqullutit sianerit.

    4. Oqaluussinissamut suli tusassissaqarpunga, kisianni sooruna sianersinnaanangalu SMS-ersinnaanngitsunga?

    Oqaluussisinnaaninnut 5 kronit ataallugit sinnerigukkit, taava sianersinnaavutit imaluunniit SMS-imik nassiussisinnaallutit mobildata qamikkukku. Oqaluussisinnaaninnut 5 kronit sinnerlugit sinnerigukkit, sianersinnaanatillu SMS-inik nassiussisinnaanak, taava Atuisunik Sullissivik 80 80 80-imut sianerfigiuk.

  4.  

  5.