Menu
Your shopping cart is empty.

1. Telefoninik nalinginnaasunik qanoq ittunik atuisunngortoqarsinnaava?

TELEp telefoninut nalinginnaasunut atuisunngorneq ataasiinnaq nioqqutigaa. TELEp telefoninut nalinginnaasunut nioqqutaanik atuisuuguit sianerfigitiinnartartunngorsinnaavutit tapiliussatullu attaveqaasertinneq aamma pisiarisinnaavatit.

Telefonnormuvit saniatigut sinerfigineqasinnaasumik kisianni tassanngaanniit sianertoqarsinnaanngitsumik telefonnormutaarsinnavutit. Tapiliussatut attaveqaasertinneq tassaavoq telefonimut nalinginnaasumut tapiliussamik attaveqaasertinneq, soorlu fax-imut.

Telefonit nalinginnaasut pillugit allanik atuarit

2. ISDN atorunnaarami?

ISDN tassaavoq internetimut modemikkoorlugu attavik, TELEp atuisuinit ataasiakkaanit suli atorneqartoq. Nioqqulli atorunnaariartorpoq, nioqqutit bredbåndimik atuisut ISDN-imik pisariaqartitsinermi naammassisinnaasat assingi TELEp ullumikkut nioqqutigimmagit.

3. ISDN-eqarpunga, qanoq iliorlunga ikiorneqassaanga?

TELEp Atuisunik Sullissivia 80 80 80-imut sianerlutit attavigiuk imaluunniit najukkanni TELE-POST Center attavigiuk.

4. Angerlarsimaffinni telefonimut ikkuffeqanngilanga. Qanoq iliussaanga?

Telefonimut ikkuffeqanngikkuit TELEp akeqanngitsumik ikkussivigisinnaavaatit. TELEp akisussaaffigaa Kalaallit Nunaanni illut tamarmik minnerpaamik telefonimut ikkuffeqarnissaat ataatsimik aammalu NTP-mut ikkuffeqarnissaat ataatsimik.

5. NTP-p ikkuffia suua?

NTP naalisagaavoq attaveqaatit isuisa naaffiannut/aallartiffiannut. Ikkuffiup ilisarnaatigaa ikkuffiup sinaata qorsummik qalipaateqarnera.

6. Nammineerluni iliuuserisinnaasat suunuku?

TELE-mi atuisut tamarmik telefoniminni atulersissinnaasaminnik NAMMINEQ TOORTAANEQ atorlugu arlalinnik periarfissaqarput.

Telefonimik nalinginnaasumik atuisutut sullissinerit uku atorsinnaavatit: Ingerlatitseqqittarneq, Kasuttorneq, Oqaloqatiginninnermi allamut nuunneq, Aalajangersimasumut sianertarneq, Nammineerluni inniminniineq, Nammineq paasiuminaallisakkat atorlugit matusineq, VoksenSpær.

Telefoninut nalinginnaasunut Nammineerluni iliuuserisinnaasat pillugit allanik atuarit

7. VoksenSpær-iuna suna?

TELEp telefoninik nalinginnaasunik atuisui tamarmik VoksenSpær-eqarput. Tassa telefoninninngaanniit nunat ilaannut sianersinnaanngilatit.

TELEp VoksenSpær atulersippaa telefonip atorneranut akiligassarujussuarnik tupatsitaannginnissat eqqarsaatigalugu.

Atuisut VoksenSpær-imik atuerusunngitsut TELEp Atuisunik Sullissivianut saaffiginnissinnaapput mattussineq ammartikkumallugu.

VoksenSpær pillugu allanik atuarit

8. Nalinginnaasumik telefoneqarninni tapiliussatut atuisuuffeqarnera qanoq ilillunga paasissavara?

Nalinginnaasumik telefoneqarninni tapiliussatut atuisuuffeqaruit akiligassanni ilaassaaq.

9. Atorunnaaarsitsiartuaarnerup kingorna allanngortoqarneranik malugisaqassaanga?

Matoqqatitsinermik tapiliussatut kiffartuunneqaruit atorunnaarsitsiartuaarnerup ilinnut kinguneriinnassavaa, kiffaartuussissummik taassuminnga uagut Nunanut Allanut Aalajangersimasumik Matusinermut imaluunniit kiffartuussinermut Matusinermut Matoqqasumut nuuginnaripput. Allanngortoqarneranik malugisaqassanngilatit.

Tapiliussatut Interneteqaruit imaluunniit atuisut allanngortitsineq Tapiliussatut Interneqarneq pigigukku, taava atorunnaarsitsiartuaarneq ilinnut kinguneqassaaq aqqutit marluk pigisavit aappaa matunngikkuni nalinginnaasutut attavinngortittariaqassasoq. Aqqutip aappaa pigiinnarusukkukku 1. april 2016-iminngaanniit telefoneqarnermut nalinginnaasumut akiliut 150 kr. akilertassavat