DSC - Digital Selective Callling - GMDSS atorlugu tunngaviusumik atassuteqaataavoq.
Attaveqarnerit tamarmik digitalinngorlugit ataatsimoortutut paasissutissanngortinneqartarput, immikkoortullu sisamat pingaarnerutillugit atorneqarlutik:
- Distress (ajornartorsiulernermi)
- Urgency (nukinginnartuni)
- Safety (isumannaallisaanermi) aamma
- Routine (nalinginnaasuni)
Nalunaarutit 'Angalasunut tamanut', sumiiffimmut ataatsimut, imaluunniit stationinut eqimattanut nassiussuunneqarsinnaapput, MMSI-normu (Maritime Mobile Selective Identity) immikkuullarissoq atorlugu. Ajornartorsiulernermi nalunaarutit ingerlaannartumik stationinut tamanut nassiunneqartarput.
MMSI-mut ilanngullugu, nassiussivimmiit tigusisussamut paasissutissanik assigiinngitsunik nassitsinermi ilanngussisoqarsinnaavoq. Assersuutigalugu ajornartorsiulernermi nalunaarut makkuninnga paasissutissanik imaqarsinnaavoq:
- Angallatip ilisarnaataa (MMSI)
- Piffissaq nassiussiffiusoq
- Nalunaaruteqarnermut peqqutaasoq
- Angallatip sumiiffia
Angallat DSC-imut atortunik atortulersugaasimaagaangat, angallatip radiolerisuata isumagissavaa nalunaarutinik DSC-nik suliaqartoqarsimaneranik paasisaqarsimanissani. Angallatit DSC-mut atortutik radioqarfillu qaninnerpaaq frekvensi 2187,5kHz atorlugu akuttunngitsumik misilerartarpaat. Attaveqarneq 'individuelt'-itut pingaaruteqartutullu tulleriiaarinerni 'Safety'-tut suliarineqassaaq.
Aasiaat radioata MMSI-normua tassaavoq 00 331 3000.
Malugiuk, angallatit GPS-iminnik DSC-mut attavilerneqanngitsut minnerpaamik nakkutilliinerit (vagt) nikinneri tamaasa sumiiffitsik misissortariaqarpaat.