Menu
Your shopping cart is empty.

Sukkassutsinnik apparsaataasinnaasut

Internetip sukkassusaa tamarmiusoq assigiinngitsunik pissuteqarluni sukkaallisinnaavoq. soorlu makku pissutaasinnaapput:

  • Router-eqarsinnaavutit, switch-eqarlutit imaluunniit allamik atortoqarlutit qarasaasiavit modemivillu akornanni ikkusimasumik.
  • Attavimmi ataatsimi inuit arlaliusinnaavusi, qarasaasianilluunniit arlaliullusi ataatsikkut atuillusi. Atortut ataatsikkoortut assigiinngitsut makkuusinnaapput mobiltelefonit, tablet-it, qarasaasiat angallattakkat aamma smart tv-t.
  • Qarasaasiavit tunuani programmerpassuit ingerlatippatit. Programmit pingaartumik tassaasarput internetimik piffissami tassani aamma atuisut. Assersuutigalugu Skype, Dropbox imaluunniit fil-inik avitseqatigiinnernut programmit, nipilersukkanik, filminillu aallerfigisatit.
  • Browserivit, antivirus-imut software-vit nutarternissaat amigaatigaat imaluunniit qarasaasiami isumannaallisaanernut ajornartorsiutit allat scannernissaat amigaatigalugu.
  • Qarasaasianni RAM amigaatigaat.

Internetivit sukkaannera pissutigalugu ajoquteqarneranik nalunaarutiginninnginnerni qinnuigissavatsigit qulaani taaneqartut misissuataarallaqqullugit, taakku arlaat ajoquteqannginnersoq paasiumallugu.

20 procentit tassaapput paasissutissanik ingerlatsinerit

Eqqaamajuk internetivit sukkassusaata 20 procentia paasissutissat ingerlanneqarnerannut atorneqartarmat.

Taamaammat sukkassutsimik uuttuinerpit inernera, sukkassusissatullu pisiavit tamakkiisumik assigeeqqissaarsinnaannginnerat eqqumaffigissavat

Taamaammat sukkassuseq tallimararterutit angullugit sukkaannerusoq naatsorsuutigisariaqassavat.