Menu
Your shopping cart is empty.

Danmarkiminngaanniit nunaniillu allaniit Kalaallit Nunaannut nassiussinerit
Allakkerivikkut nassiussat Kalaallit Nunaannut tikittut TELE-POST-ip akitsuuserisunit suliarineqartarput. Suliarinninnermut TELE-POST akileeqqusissummik piumasaqarneq ajorpoq.

Nioqqutinik Kalaallit Nunaannut eqqussinermut malittarisassat pillugit Namminersorlutik Oqartussat nittartagaannut innersuussisoqarpoq.

Kalaallit Nunaanninngaanniit Danmarkimut nunanullu allanut nassiussinerit
Allakkerivikkut nassiussap imai akitsuusigassaanersut misissussallugit nassiussisup akisussaaffigaa, kiisalu nunami nassiunneqarfianni malittarisassat malillugit eqqunneqarsinnaasuunersoq. 

Eqqunneqarsinnaanerannut paasissutissat nunap nassiussivigisap Danmarkimi konsuuleqarfianut aallartitaqarfianulluunniit attaveqarnikkut pissarsiariniarneqarsinnaapput. 

Innersuussissummi uani konsuuleqarfiit aallartitaqarfiilluunniit attavigineqarsinnaasut adressii takuneqarsinnaapput.