Menu
Your shopping cart is empty.

Pikkorinnerpaanik ilinniartoqarnissarput TELE-POST-imi tamatigut anguniartarparput, aamma pikkorinnerpaanik sulisoqalerusulluta ilinniartitsisarpugut. Kalaallit Nunaanni Danmarkimilu ilinniarfeqarfiit assigiinngitsut suleqatigalugit peqatigiilluta ilinniakkani assigiinngitsuni 13-ini ilinniartunik ilinniartitsisarpugut, suliassaqarfinnut assigiinngitsorpassuarnut agguataarsimasunik.

TELE-POSTimi suliassaqarfiit:

Statistik

Aningaasaqarneq

Teknikkimut sanaartukkat ingerlatsinerlu

Pisiortorneq Ingerlasussanik aqutsineq

IT/elektronik/teknik

Allakkat frimærkilerinerlu

Atuisunik sullissivik

Nalunaarasuartaatitigut attaveqaqatigiinneq

Pilerisaarineq attaveqaqatigiinnerlu

Grafiskimik ilusilersuineq

 

 

TELE-POST-imi ukioq manna ilinniarnermut atatillugu sulilersussat iluatsitsisut ilagisinnaavatsit, suliassaqarfinni ukunani;

AU Angallassineq aamma Ataqatigiissitsineq 

Datateknikeri

IT Supporteri

TNI Niuertitsisoq

Mediegrafikeri

Niuernikkut aningaasarsiornermik ilinniarneq

 

 

TELE-POST-i ineriartortuartuuvoq, aamma isumassarsiat periutsillu nutaat soqutigisariuaannarpavut. Assersuutigalugu ukiut ingerlanerini ilisimatusarfimmi ilinniartunik assigiinngitsunik suleqateqartarpugut, taakku TELE-POST-i aallaavigalugu naammassissutissaminnik suliaqarlutik, misilittakkanik misissuillutik, aalajangersimasunik sammisaqarlutik imaluunniit namminneq ilinniarnerminnut atatillugu suliniutissatut isumassarsiaminnik piviusunngortitsisarsimallutik. Naammassissutissannik suliaqassaguit, misissuissaguit imaluunniit allarluinnarmik suliaqassaguit, TELE-POST-ilu suliffeqarfittut aallaavigissallugu tulluartuusinnaappat, tusarfigerusussinnaavatsigit.

Linkit iluaqutaasinnaasut, ilinniakkanut tunngasut: www.sunngu.glwww.uni.glwww.ni-nuuk.glwww.ug.dk

Ilinniartitaanerit allat

Ilinniakkamik allamik ingerlataqaruit, TELE-POST-ilu ilinniarnermut atatillugu suliffigissallugu naleqquttuusinnaappat, kajumissaarinertaqanngikkaluartumik qinnuteqaammik nassissinnaavatsigut.