Menu
Your shopping cart is empty.

Konsulentydelser

Siunnersorneqarneq

TELEp Suliffeqarfinnik Sullissiviani ilisimavarput IT-mik suliat pitsaasut sipaaruteqarnissanut aallaaviusartut, naammassisaqarluarsinnaanermik sullitanillu aallutaqarluarnerunermik kinguneqartartut. 

Suliarisavit tunngaviinik ilisimasatigut toqqammaveqarluartumik siunnersuisarnissarput anguniagaraarput, IT-p teknologiiatigut ilusilersorneratigullu, qarsaasiatigut attaveqatigiinnikkut IT-milu suliassat naammassissutissaannik pilersuinikkut.

TELEp Suliffeqarfinnik Sullissiviata aammattaaq illit suliffeqarfiillu, sumulluunniit attuumassuteqanngitsumik, IT-mik ineriartortitsinernut siunnersuinernik neqeroorfigisinnaavaatit.

Ulluinnarni sulinerit aallaavigalugu, sulliseriaasissatut takorluukkanut, pilersaarusiornernut, pisariaqartitanik paasiniaaqqissaarnernut, piumasaqaatinik erseqqissaanernut IT-mullu atortunik pilersuinermik attuumassutilinnut misilittagaqarnerput ikiorsiissutigisinnaavarput.

Naatsumik oqaatigalugu TELEp Suliffeqarfinnik Sullissiviata sullitavit qitiusutut inissinnissaannut ikiorsinnaavaatit.

 

Sulianik aqutsineq

TELEp Suliffeqarfinnik Sullissivia sulianik ingerlatsinermik ilinniarluarsimasunik PRINCE2-mut aamma  IPMA-mut akuersissutilinnik sulisoqarpoq.

Kalaallit Nunaanni inuussutissarsiornermik ingerlatalinni pisortaqarfinnilu sulianik ingerlatsinermik siunnersuinermillu misilittagaqarpugut.

Sulianik aqutsisugut sumulluunniit attuumassuteqartuunngillat, taamaattumik suliassanut telefoneqarnernut IT-mullu tunngassutilinnik allanut pituttugaanatik misissueqqaarnermik suliakkerluarsinnaavatit.

Immikkullu piginnaaneqarfigaagut sulinermik ingerlatseriaatsit, piumasaqaatinik nalunaarsuinerit, suliffinnik nalilersuinerit, ilusilersuinerit aammalu teknikkikkut pisariusunik aallarnisaanerit.

Aamma TELEp Suliffeqarfinnik Sullissiviata sulianik aqutsisuisa sulianik allanik pisariusunik ingerlataqarneq sungiusimalluinnarpaat. Taamaattumik suliassamut qanorluunniit ikkaluartumut angitigigaluartumulluunniit sulianik aqutsisugut akulerutsissinnaavatit.

 

Telefoneqarnermut siunnersortit

IT-mi ajornartorsiuteqaruit immikkut ilisimasalimmit ikiorneqarit.

TELEp Suliffeqarfinnik Sullissiviani IT-mut siunnersortit qaffasissumik piginnaanillit IT-kkut attaveqaasersorninni ajornartorsiuteqassaguit ikiussavaatsit, ulluinnarni suliassatit suliariniassagakkit. IT-mut tunngasunik atortulersuineq annertuumik ilisimasaqarfigaarput, atortut kisimiilluni ingerlatsisulinni suliffeqarfeeqqaniippata imaluunniit piginneqatigiiffissuarni annertuuniippata. 

Allatut oqaatigalugu, TELEp Suliffeqarfinnik Sullissiviata sullissinermik isumaatigiissutit neqeroorutigivai, pisariaqartitatit naapertorlugit ilusilersorneqarsinnaasut, qanorluunniit angissusilimmik suliffeqarfeqaraluaruit.

Attaveqaatitigut ilusilersugaanerit malinnaajuarniassammat, TELEp Suliffeqarfinnik Sullissiviata IT-mut siunnersortaasa, ajutoornissamut sillimajuarneq aallaavigalugu, sullisissavaatsit. TELE-mmi Suliffeqarfinnik Sullissivianut attaveqaatinik atorsinnaalluartunik qarasaasiartaanillu pitsaanerpaaffissaminniittunik tamanna isumaqarpoq.

Neqeroorutitsinnut ilaapput:

  • Aallarnisaanermi inissitsiterinerit (Deployment)
  • Klient-it (programmit qarasaasianut attaveqaatinik aqutsisunut ikiortaasut)
  • Attaveqaatit qitiusumik qarasaasiaat (Server-it)
  • Qarasaasianut aqutsissutit assigiinngitsut (Linux, Windows aamma Mac OS)
  • ERP
  • Attaveqaatinik pitsanngorsaaneq (WAN aamma LAN)
  • Isumannaallisaaneq susassaqanngitsunullu pulanaveeqqutit (Firewalls)
  • Allarpassuillu

 

IT-mut tunngasunik siunnersortit

TELEp Suliffeqarfinnik Sullissiviata telefoneqarnermut siunnersortaasa akuersissutillit, ajornartorsiuteqassaguit ikiussavaatsit suliassatit eqqissillutit suliariniassagakkit.

TELEp Suliffeqarfinnik Sullissiviata telefoneqarnermut siunnersortaasa maannakkorpiaq telefoneqarnermik atuinerit pillugu ikiorsissavaatsit, suliffeqarfissinnulluunniit naleqqunnerusumik allamik periarfissarsiuussinnaallusi.

Misilittagaqarfigilluarpagut:

  • Siemens-telefoni
  • Meridian-telefoni
  • Atortut TELE-miittut atukkiussat
  • Allaffeqarfinni telefoneqarfiit nalinginnaasut 
  • Allarpassuillu