Menu
Your shopping cart is empty.

Nassiussap stregkodea allaguk ujarliullu toorlugu.

Stregkode 13-inik naqinneqarpoq.

Stregkode nalinginnaasumik CP-mik, CC-mik imaluunniit CE-mik aallaqqaateqartarpoq, kisitsisinik qulingiluanik tulleqartarluni, aammalu nunap nalunaarsuutaanik, soorlu GL-imik, DK-mik, SE-mik imaluunniit NO-mik naggateqartarluni.

Assersuutigalugu stregkode imatut isikkoqarsinnaavoq: CP001635036GL imaluunniit CC328051575DK

Nassiussat ukunani malinnaaffigisinnaavatit:

  • Kalaallit Nunaata iluani
  • Kalaallit Nunaannut aamma Kalaallit Nunaanniit
  • Danmarkip iluani

Nassiussat sumiiffinni TELE-POST Centerilinni taamaallaat nalunaarsorneqartarput. Nunaqarfinni nassiussat nalunaarsorneqarneq ajorput.

Nunanit allanit nassiussat aatsaat Danmarkimiit imaluunniit Danmarkimut ingerlateqqinneqarnerini malinnaaffigisinnaalissavatit.

EMS/Jetpost aqqutigalugit nassiussat

EMS-/Jetpost aqqutigalugu tuaviortumik nassiussanut stregkode nalinginnaasumik EE-mik aallartittarput.

DHL aqqutigalugu nassiussat pillugit

DHL aqqutigalugu nassiussat qulinik kisitsisitalimmik Airwaybill-imut stregkodeqartarput. Normu taanna ujarliummut naqikkukku, DHL aqqutigalugu nassiussaq Kalaallit Nunaata iluani, Kalaallit Nunaanniit Danmarkimut kiisalu Danmarkimiit Kalaallit Nunaannut malinnaaffigisinnaavat.

DHL aqqutigalugu nunanut allanut aamma nunanit allaniit Danmarkikkut nassiussaq annertunerusumik malinnaaffiginiarukku, DHL-ip nittartagaa aqqutigalugu taamaaliorsinnaavutit: www.dhl.dk 

DHL aqqutigalugu nassiussap tunniunneqarnerani scannigaq atortullu elektroniskiusut atorlugit atsiorneq takusinnaanngilatit.

GLS aqqutigalugu nassiussat pillugit

GLS aqqutigalugu nassiussanut stregkode aqqaneq marlunnik kisitsisitaqarpoq. Normu taanna ujarliummut naqikkukku, GLS aqqutigalugu nassiussaq Kalaallit Nunaata iluani malinnaaffigisinnaavat.

GLS-ip poortukkat tamaasa Nuummi TELE-POST-ip Sullissivianut umiarsuakkut nassiuttarpai.

Nuummilu TELE-POST-ip Sullissiviata poortukkat GLS-ikkut nassiuissat umiarsuakkut ingerlateqqittarpai.

Danmarkimiit GLS aqqutigalugu nassiussat pillugit annertunerusumik paasisaqarusukkuit, nittartakkami uani paasissutissanik ujarlersinnaavutit: www.gls.dk

FedEx aqqutigalugu nassiussat

FedEx aqqutigalugu nassiussat aqqaneq marlunnik kisitsisitalimmik Airwaybill-imut stregkodeqartarput. Normu taanna ujarliummut naqikkukku, FedEx aqqutigalugu nassiussaq Kalaallit Nunaata iluani, Kalaallit Nunaanniit Danmarkimut kiisalu Danmarkimiit Kalaallit Nunaannut malinnaaffigisinnaavat.

FedEx aqqutigalugu nunanut allanut aamma nunanit allaniit Danmarkikkut nassiussaq annertunerusumik malinnaaffiginiarukku, FedEx-ip nittartagaa aqqutigalugu taamaaliorsinnaavutit: www.fedex.com.

FedEx aqqutigalugu nassiussap tunniunneqarnerani scannigaq atortullu elektroniskiusut atorlugit atsiorneq takusinnaanngilatit.