Menu
Your shopping cart is empty.

Sianerluni, SMS-erluni, Facebook aqqutigalugu mailerlunilu salloqittaatinut tunngatillugu sullitatta iliuuserisinnaasaannut TELE-POST-ip siunnersuutai. 

Nunatsinni aammalu nunani allani sianerlutik, SMS-erlutik, Facebook aqqutigalugu aammalu mailikkut inoqatiminnik salloqittaaniartoqartuarpoq. Taamaattumik siunnersuutit pisariitsut sullitatsinnut ingerlateqqikkumavagut, qinnuigalugillu sunik nassinneqarnertik eqqumaffigeqqullugu aamma nassiussisoq ilisarisimanerlugu eqqumaffigeqqullugu.

Inuit paasissutissaataannik nassiussivigeqqusinnaasarput, normunut nunami allamiunut sianertinniartarlugit, tassuuna sianernertik akisunaarsinnaaniassammassuk. Periaasaat allanngorartuarput, taamaattumik eqqumaariffiginissai mianersornissarlu pisariaqarpoq. 

Nalorniguit siunnersuutissagut aajuku:

  •  
  • Paasissutissanik ilinnut tunngasunik ingerlatitseqqinnak.
  • Normu ilisarinngisat sianerfiginagu.
  • Nassitsisumit ilisarinngisannit saaffiginnissutit akinagit.
  • Nalorniguit SMS-i imaluunniit maili ilinnut nassiunneqartoq piiaruk.
  • Nittartakkanut link-it nassiunneqartut nalornissutigisatit toqqassanngilatit iserfigalugillu.