Menu
Your shopping cart is empty.

30/10/2017 - 08:21

Ukiup juullimut frimærkia, imminut ingerlattumit Julemærkefonden-imit saqqummiunneqartoq, ullumi ataasinngornermi oktobarip 30-ani TELE-POST Centerini pisiarineqarsinnaanngorpoq. Nunatsinni tamarmi innuttaasut juullip frimærkianik pisisinnaaqqullugit Pilersuisoq A/S nunaqarfinni nioqquteqartuussaaq.

TELE-POST-ip taamaalilluni frimærkimik saqqummiineq, sullitatsinnut ukiut tamaasa aalajaallutik meqqimik juullimi pilluaqqussutinik nassiussinissaminnut pisisartunut, akiliutitaqanngitsumik sullississutigaa.

Ukiup juullip frimærkia Juullip Nipitittagaaneersoq arfininngornermi oktobarip 28-ani nalliuttorsiorpalaartumik saqqummiunneqarpoq, ullumimiillu pisiarineqarsinnaalluni.

Allanik paasisaqarumaguit Juullip Niptittagaanut sianerit telefon 32 24 34-mut imaluunniit emailerlutit uunga: juulli2512@gmail.com aamma/imaluunniit TELE-POST-imi ineriartortitsinermut pisortaq Allan Pertti Frandsen mobilimut +45 61393065-imut imaluunniit  mailikkut apf@telepost.gl-ikkut attavigiuk.