Menu
Your shopping cart is empty.

Avinngarusimasuni nunalerinermik sulialinnut TELE-POST telefoninut attavimmik (telefon aamma internet) VSAT aqqutigalugu neqeroorpoq.
Taamaattoqassappat piumasaqaataavoq inatsisit Aalisarnermut, Piniarnermut, Nunalerinermullu Naalakkersuisoqarfimmit inatsisit malillugit atuisussat, ”Kalaallit Nunaanni Nunalerinermik ingerlataqarnissaat”, kiisalu nunalerinermik inuussutissarsiuteqarnerminnik allagartaqarnissaat normoqarnissaallu.

Aamma piumasaqaataavoq sumiiffiit ukioq naallugu najugaqarfiunissaat, kiisalu maanna attavimmut pisortatigut atuuttumut atassuteqariinnginnissaat.

Tassa imaappoq, telefonimut  internet-imullu kabeli imaluunniit 3G/Edge atorlugit aqquteqariissangillat.
Avinngarusimasuni nunaateqarnermik ingerlatsisunut atuisuunermi immikkut piumasaqaatit uani atuarneqarsinnaapput "ungasianiit atuisuuneq" pillugu Namminersornerullutik Oqartussat nalunaarutaat nr. 13, 2. maj 2008-imeersoq.

Telefoni

Ungasianiit atuisut tamarmik attaveqaammut ataatsimut attavilerneqassapput.

Internet

Atuisunut neqeroorutigaarput sukkassuseq  128 Kbit/s aallernermi (download), nassiussinermilu  (upload), 256 Kbit/s tikillugu, qaammataasakkut attavinni inissisaqartillugu. Sukkassutsit allanngorarsinnaapput, ingammik atuinerup nalaani oqarasuaatit atorneqartillugit.

Nioqqutigineqartup akia Internet Mikineq-mut assiguvoq, taannalu TELE-POST-imut annertunerusumik iluanaarutaasussaanngilaq, tamanna suliffeqarfiup pilersuisussaatitaaneranut attuumassuteqarmat. Aamma tamanna pissutaalluni interneti sukkanerulersinnaanngilaq imaluunniit atuinermik ilaqareersunik ataatsimoorussanik neqeroortoqarsinnaanani.

Inniminniineq

Atuisunngorusuttut inniminniisinnaapput TELE-POST Centerinut Qaqortumi, Narsami aamma Nanortalimmi.