Menu
Your shopping cart is empty.

11/12/2017 - 12:00

Illoqarfiit 13-t aammalu nunaqarfik Kangerlussuaq, tassa nunatsinni innuttaasut 80 %-ii, ullumikkumiit Tusass Flatrate Interneteqarsinnaalerput.

Ullumikkut nal. 12.00-imiit Nuuk aamma Qaqortoq taakkuinnaajunnaassapput internettimut atuisuuffinnik sukkasuunik kisimik atuiffiusinnaasut. Tusass internettimik nioqqutigut pingasut nutaat atorlugit internettimik qanorsuarluunniit atuisinnaaneq killeeruppoq.

Tusass.gl-ip flatrate-internettimik sukkanerujussuarnik attaveqarlutik atuisuuffinnik inniminniisinnaaneq illoqarfinni Aasianni, Ilulissani, Kangaatsiami, Kangerlussuarmi, Maniitsumi, Narsami, Nanortalimmi, Nuummi, Paamiuni, Qaqortumi, Qasigiannguani, Qeqertarsuarmi, Sisimiuni aammalu Uummannami najugalinnut tamanut ammaappaa.

Tusass internettimik nioqqutit nutaat

Uani takuneqarsinnaapput internettimik nioqqutit tusass.gl-ikkut inniminnerneqarsinnaasut:

- Sumiiffinnut amerlanerujussuarnut ullumikkumiit internettimik sukkasoorsuarmik neqeroorsinnaanngornerput aammalu ullumikkut sumiiffiit 14-t pineqartut internettimik killeqanngitsumik imalinnik ataatsimoortunik peqalersissinnaagatsigit naammagisimaarluinnarparput. Nunatsinnut digitalimik atuinermik annertoqisumik pitsanngoriarfiuvoq. Ukiuni tullerni marlussunni innuttaasut suli amerlanerit nioqqutinik taakkuninnga atuisunngorsinnaassapput, nioqqutillu taakku aamma suli inerisarneqaqqissallutik, TELE-POST-imi pisortaaneq Kristian Reinert Davidsen oqarpoq.

Saqqummiunneqartukkut TELE-POST-ip 2017-imiit 2020-imut periusissiamini siuariangaatsiarpoq, anguniarneqarpormi innuttaasut 92 %-ii sukkasuumik interneteqalersinnaanissaat.

Siulersuisuni siulittaasoq Stine Bosse saqqummiinermut assorsuaq naammagisimaarinnippoq:

- Sulisut sulilluarsimaqaat, tamannalu TELE-POST-imik tulluusimaarutiginninninnut pissutaavoq. Internettimik sukkasuumik inuttaasut 37%-iisa atuisinnaaneranniit ullumikkut 80%-iinut qaffariartoqarpoq, taamaalillutik Kalaallit Nunaanni innuttaasut ilarparujussui attaveqaatitsinni aningaasaliissuteqarnerput iluaqutigisinnaalissavaat.

Nioqqutit pillugit tusass.gl-imi allanik atuarit.

 

Allanik paasisaqarumaguit attavigisinnaavat attaveqaqatigiinnermut pisortaq Arnakkuluk Jo Kleist, ajk@telepost.gl, tlf. 54 78 54.