Menu
Your shopping cart is empty.

Wifi-t imatut pitsaanerulersissinnaavat 

Attaviit sukkaassimappat, tamanna sorpassuarnik pissuteqarsinnaavoq. Angerlarsimaffinni attaviit pitsanngortinniarlugu illit nammineq qanoq iliorsinnaanerit tulliuttuni atuarsinnaavat.

Internetivit sukkaannera pissutigalugu ajoquteqarneranik nalunaarutiginninnginnerni qinnuigissavatsigit immikkoortut misissuataarallaqqullugit, ajornartorsiut taakku arlaanniinnginnersoq takuniarlugu.

 

Aporfiit

TELE-POST-ip aallernerni nassiussinernilu sukkassusai (Mbit) missingersuutaapput, ingerlaarnerminnimi illit attavinnik kigaallatsitsisumik aporfeqarsinnaasarpoq.

Internetivit sukkassusaata 20 procentia paasissutissat ingerlatinnerannut aqqutaanilu aporfinnut, aamma illit angerlarsimaffinni, atorneqartarnera najoqqutakkuminartuuvoq.

 

Qujanaqaarli internetivit sukkanerulersinnissaanut illit nammineq iliuuseqarsinnaagavit.

 

Angerlarsimaffinni Wifi-p atornerata pitsanngortinnissaanut makku iliuuserikkit:

- Sikaaviit iluinut, pequtit tunuinut assigisaannulluunniit inissinneranut taarsiullugu routerit angerlarsimaffinni qaffasissumut aammalu qiterpasissumut inissiguk: Routerip antenniisa nassiussuilluarnerusinnaanerat pitsanngortinneqassaaq.

 

- Atortut ledningeqanngitsut imaluunniit suut saviminertallit allat allamut inissikkit: Routerivit atortut ledningeqanngitsut allat qanittuaniinnginnissaa isumagiuk, soorlu nipilersornermi sakkuutit, telefonit ledningeqanngitsut, meeraaqqat sunerinut kalerrisaarutit, mikroovnit assigisaallu. Atortut ledningeqanngitsut aammalu kissarsuutit, igat, imermik kissartuusiviit Wifiinnik ajorseriartitsisinnaapput.

 

- Pisariitsuutitsigit: TELE-POST-ip teknikeriisa angerlarsimaffimmi attaveqaasersuisimanerit takusarpaat, tassalu tallisaasiisimanerit aammalu attaveqaatinut atortunik pisariaqanngitsunik attavilersuisimanerit, soorlu switche-nik, pissutaallutik paasissutissanik ingerlatitsinermut sukkassutsimik ajorseriartitsisunik.

 

- Interneti sukkanerpaaq pissarsiarikkajunnerussavat ethernetip ikkuffia qarasaasiannut toqqaannartumik ikkukkukku.

 

Atortunik artukkiineq peeruk 

- Amerlasuut Wifi-mut attaveqaammut ataatsimut ataatsikkut attavillit, sukkassutsimut sunniisinnaaqaat. Angerlarsimaffimmi attaveqaatit artukkerneqarsinnaapput mobiltelefoninit, tabletinit, qarasaasianit angallattakkanit aammalu smart tv-mit, Wifimut ikkusimasimappata.

 

- Qarasaasiavit tunuani programmerpassuarnik ingerlatitaqaruit, tamanna Wifiinnut atorsartitsisinnaavoq. Tassani pingaartumik pineqarput programmit piffissami tassani internetimik aamma atuisut. Assersuutigalugu Skype, Dropbox imaluunniit fil-inik avitseqatigiinnernut programmit, illit nipilersukkanik filiminillu aallerfigisatit. Browserit aamma virusininnaveersaarutit (antivirus-software) nutartikkit imaluunniit qarasaasianni isumannaallisaanermut ajoqutaasinnaasunik allanik scanneralutit ujaasigit.

 

- Qarasaasiavit naammattunik RAM-eqarnissaa isumagiuk: Qarasaasiavit eqqaamasaqarsinnaassusia naammanngippat, suna tamarmi sukkaatsuararsuartut isikkoqarsinnaavoq.

 

Qulaani allassimasut arlaannaalluunniit iluaqutaanngippat, Atuisunik Sullissiviup ataani misissuisinnaavutit uani