Menu
Your shopping cart is empty.

10/05/2019 - 11:00

TELE-POST suliffeqarfiuvoq savitooq, tassani ataavartumik nalilersortarparput qanoq iliorutta qullersani inuttaqartitsinerput siunissamut qularnaarsinnaanerlugu. Oqaloqatigiinneq siulersuisut pisortaanerullu akornanni oqaloqatigiinnermi initoorujussuuvoq aamma aalajangerneqarpoq piffissanngortoq aningaasaqarnermut pisortaanertut atorfik kinguaariit tulliinit inuttalerneqartariaqartoq.

Steen Montgomery-Andersen ukiut 14-t TELE-POST-imi aningaasaqarnermut pisortaareerluni soraassaaq. Paarlatsigissavaa Line Frederiksen TELE-POST-imi Regnskabschefitut ukiuni kingullerni pingasuni atorfeqarsimasoq. Steen pisortaanerup tullersortaatut aningaasaqarnermullu pisortatut suliinnarallassaaq 1. aggustip tungaanut.

’Line Frederiksen ingerlatseqatigiiffimmi regnskabschefitut ukiuni kingullerni pingasuni sulinermini takutippaa pikkorilluinnarluni aamma suli qaffannerusinnaalluni taamaattumik Steenimut kingoraartissatut piukkunnaatilerujussuuvoq, taama oqarpoq pisortaaneq Kristian R. Davidsen.

Line Frederiksen naatsorsuuserinermi HD-tut ilinniarsimavoq aamma økonomistyringimi kiisalu ilinniagaraa

Cand.merc.ibe (International Business Economics) aamma 2007-mi ilinniakkani naammassigamiuk nunatsinnut ingerlaannaq angerlaqqinniarluni qinerpaa. Aalajangerneqarpoq Line Frederiksen aningaasaqarnermut pisortatut atorfinissasoq 1. aggustimi 2019.

Steen TELE-POST-imi atorfinippoq 2003-mi aamma 2005-mimili pisortaanermut tullersortaajutigaluni aningaasaqarnermut pisortaavoq. Steen aamma ingerlatseqatigiiffimmi pisortaanerugallartutut sulillatsiarnikuuvoq.

’Steenip ukiorpassuarni TELE-POST sullilluarpaa aamma suli sulilluarluni. Suleqatitut isumassarsioqatitullu uannut pingaaruteqartuuvoq taamatullu pisortaqatigiinnut - sualummik ukiut kingulliit pingasut ingerlanerini allannguinerpassuit aningaasalersuinerpassuillu pinerini´ taama oqarpoq pisortaaneq Kristian R. Davidsen.