Menu
Your shopping cart is empty.

07/08/2019 - 17:15

TELE-POST nalunaarpoq nunatta nunallu allat akornanni attaveeruttaqattaarnernik nunarput eqqugaaqqasoq. Telefoneqarneq, KNR radio aamma TV aammalu aningaaserivimmut nuussinerit nunatsinni assigiinngitsuni akornusersorneqarput.

Attaviit aaqqinneqaqqinnissaat TELE-POST-ip ilungersuutigaa. Nunatsinniit avammut sianerneq maanna atorsinnaaqqilerpoq. Taamatuttaaq internetimut attaveqarneq tamarmi ingerlavoq, taamaallaat Nunatta Kujataa minillugu, taqqavanimi imaani kabelimik iluarsaassineq suliarineqaleruttorpoq.

Ullumi nalunaaqutaq ataasinngunngitsiartoq Kalaallit Nunaata annersaani attaviit ajortittaqattaalerput. Tamatumunnga pissutaasut misilerarneqarput, attaveqaatinulli pilersuisorisap, tassa attavimmik Kalaallit Nunaannut pilersuisumi, teknikkikkut atortumini taannaasimavoq ajoquteqarfiusimasoq.

Nalinginnaasumik Kalaallit Nunaat tungiminut marlunnik attaveqarpoq, Kujataanili imaani kabelimik iluarsaassinerit pissutigalugit attaveqarneq ataasiinnaavoq, taamaattumik Kalaallit Nunaannut attaviit ajoquteqaqqajaanerusinnaanerupput attavimmi ataasiinnarmi tassani pilersuisorisami ajoquteqartoqalernerani.

TELE-POST-imi Teknikkimut IT-mullu pisortaq Jonas Hasselriis ima oqarpoq: 

”Pilersuisorisatsinnut sakkortuumik oqaatiginikuuarput, TELE-POST taamalu Kalaallit Nunaanni tamarmi sullissagut attavinnik taakkuninnga pinngitsuuisinnaanngilluinnartut. Attaviitt aaqqeqqinneqarnissaat maannakkut ilungersorluta qulakkeerniarsaraarput”.

Nutaanik pisoqarpat piaartumik tusarliisoqassaaq.

Ingerlatsineq pillugu malinnaasoqarsinnaavoq uani: https://telepost.info/, attavinnilu nutaanik pisoqarniariarpat taanna nutarterneqassaaq.