Menu
Your shopping cart is empty.

22/08/2019 - 08:30

Immap naqqatigut kabelimik iluarsartuussinerit naammassineqarput, attaveqaatillu aaqqissuussinermi eqqugaasimasut maanna TELE-POSTimit ammarneqaqqipput. Kujataani immap naqqatigut kabelimik aaqqissuussinerup kingunerisimavaa innuttaasut Paamiuniit Narsarmijit ilanngullugu internetimik atuisuusut attaviisa qaminneqarnerat.

TELE-POSTip attaveqaatitigut atuineq maanna aaqqissuutileruttorpaat, internetikkullu attaveqaatit tuaviornerpaamik ammarneqaqqissapput. Aaqqissuussineq nalilersorneqaleruttorpoq, kujataanilu immap naqqatigut kabelip ajutoorneranut peqqutaasoq maanna misissorluarneqaleruttorpoq.

Sila unerisimavallaanngikkaluartoq aaqqissuussinerit pitsaasumik ingerlanneqarput, silarlunneranilu aaqqissuussisoqannginnerani TELE-POSTimiit innuttaasut attaveqaataat sapaatip akunnerata naanerani ikumatinneqarsinnaanerat isumagineqarpoq.

Sakkortusaavitsigut attaveqarneq piginnaasaat atorneqarsinnaasup killeqartup attaveqaatiginissaa pingaartinneqarsimavoq, suliaqarfinnullu inuiaqatigiinnut pingaarutilinnut inuussutissarsiornermillu ingerlatsivinnut atorneqarnissaa sullissinerminnik ingerlatiinnarnissaanut attavik atorneqarsimallutik.

TELE-POST-imi Teknikkimut IT-mullu pisortaq Jonas Hasselriis oqarpoq:

Immap naqqatigut kabelip aaqqissuunnera maanna naammassivoq, piginnaasarpullu tamaat atorlugu atuisutta eqqugaanissaat annikinnerpaaffianiitinniarsimavarput. Attaveqaatit maanna ammaqqippagut, immallu naqqatigut kabelimik tamaavitta paarsilluarnissatsinnik eqqaasissutigeqqipparput. Sullitatta naammagittarnerat qutsateqaarput utoqqatsissutigaarpullu tamanna pisoq”

Innuttaasut akiliutaannik utertitsinissaq 

Aaqqissuussineq naammassivoq, internetillu qaminngaffii ullut apeqqutaallutik atuisunut aningaasanik utertitsisoqassaaq. Sullitagut eqqorneqartut SMS-ikkut paasitinneqassapput.