Menu
Your shopping cart is empty.

10/09/2019 - 13:39

Nunatta kujataani nunaqarfinni aqqaneq marluusuni maanna sukkasuumik internetikkut attaveqalersinnaanneq TELE-POSTimit qulakkeerneqarpoq, isumaqarluni Kujataani nunaqarfinni Tusass Flatrate internet periarfissaalernera. 

Nunatsinni sumiiffinni arlalinni nioqqutissat nutaajusut TELE-POSTimiit sulissutigineqarnikuuvoq, tamassumalu kinguneraa ataani taaneqartuni nunaqarfinni ukunani Tusass Flatrate Internet pisaarineqalersinnaanera: 

Alluitsup Paa, Arsuk, Eqalugaarsuit, Igaliku, Narsarmijit, Qassiarsuk, Qassimiut, Tasiusaq, Aappilattoq, Ammassivik, Narsarsuaq, Saarloq 

Nunaqarfinni kujataaniittuni nunatsinni illoqarfinni nunaqarfinnilu periarfissaareersoq maanna periarfissarileraat, tassa pisariaqartitatik aallaavigalugit killeqanngitsumik sukkasuumik internetimik atuisinnaalernissaq, qaammammut akimik aalajangersimasumik akiliisarluni. Ineriartortitsinermut Pisortaq Eyðstein Johannesen ima oqarpoq: 

”Nunaqarfiit arlallit sukkasuumik internetimut atuisinnaalernerat nuannaarutigaarput. Sarsuatitsinissamut periarfissat pitsaaneruinnarnatik ilinniarnerup iluani periarfissat amerlinissaat isiginiarparput.” 

Nunaqarfinni arlalinni TELE-POSTimiit sukkasuumik internet periarfissaalersippaa. Maanna Uummannami Upernavimmilu sakkortusaavinnik allilerinerup kinguneranik nunatta sineriaani inoqarfinni periarfissat assigalugit internetimik nioqqutaasunut periarfissaqalernissaat TELE-POSTimiit piareersarneqarpoq. 

Tusass internet sukkasuumik attaveqarneq tassaavoq – killeqanngitsoq, ajornaatsoq tupaallannartunillu akiligassartaqanngitsoq. 
 

Paasissutissanik apeqqutissaqaruit attaveqarfissaq aana: Attaveqaqatigiinnermut pisortaq Julie Rademacher, julie@telepost.gl, oqarasuaat: +299 26 35 35.