Menu
Your shopping cart is empty.

26/09/2019 - 13:55

TELE-POST-ip aqutsisuisa Nuummi ullumikkorpiaq seminaareqarneranni, qarasaasianik isumannaallisaaneq aammalu  qarasaasianut unioqqutitsilluni iserfiginninnerit oqaluuserineqarput.  Qarasaasianik isumannaallisaaneq aammalu ajoqusiiniarnerit Kalaallit Nunaanni suliffeqarfinni suliniaqatigiiffinnillu aammattaaq eqquisinnaapput. TELE-POST-ip piffissami sivisuumi isumannaallisaaneq suliaraa, suliffeqarfinnulli aammalu innuttaasunut ajoqusiiniarsinnaanerit nutaat kiisalu nunarsuarmi nunat pissaanilissuit Kalaallit Nunaannik ukkatarinninnerat annertusigaluttuinnartutut nalilerlugu, taamaattumik qarasaasiani isumannaallisaaneq TELE-POST-ip maanna annertusaavigilerpaa.

TELE-POST-ip aqutsisuisa ullumikkut seminaareqarneranni oqaluuserineqassapput qarasaasiatigut kilitsissiatut sulineq, qarasaasiatigut suliaqarniarsarinerit aammalu atortut artorsinneranni saassussineq. TELE-POST-imut pisortaaneq Kristian Reinert Davidsen issuaavigineqarluni ima tunngavilersuivoq:
 
”TELE-POST-ip nunap attavilersugaanera pingaarnerpaaq, nunamik tamarmik attaveqartitsisoq, akisussaaffigaa. Imaatigut kabelimi ajutoornerit, attaviit isumannaallisaavigineqarnissaannik qanoq pinngitsuuisinnaanngitsiginerput amerlasuutigut takutippaat. TELE-POST-imi ullut tamaasa sulivugut isumannaallisaaneq sakkortunerulersinniarlugu, IT-millu isumannaallisaaneq suliassanit allanit sallinngortinneqarpoq, maannalu nalilersorneqaqqippoq ineriartorneq nunarsuarmi pisoq malillugu. Sulisutta qaffasissutsini tamani tamakkuninnga sulinerat tulluusimaarutigaara.”

Uagut nunatut eqqorneqaatigisinnaasagut annilaangagissanngilagut, ajoqusiiniarsinnaanerilli tamakku akisussaaffimmik tigusiffiginissaannut sapiutissanngilagut aammalu ulluinnarni aarlerinartut pisinnaasut oqaluuserinissaannut sapiissuseqartariaqarluta, taama TELE-POST-imit kajumissaarisoqarpoq.

- IT-nnik isumannaallisaavit, TELE-POST-imilu IT-mik isumannaallisaaneq sooq uatsinnut pingaaruteqarpa?  

TELE-POST-imi aqutsisunut apeqqutit ilaat taama nipeqarput, oqaluuserineqarpormi sooq suut tamarmik kamannartumik kodeqartinneqarnersut aammalu ulluinnarni ileqqut nunatsinnik tamarmik saassussisinnaanermut illersuinerinik paasinninnissaq. Saassussissutaasinnaasunik nutaanik aammalu taaguutinik, soorlu navianartoqarsinnaaneranik nalilersuineq aammalu inerisimanerup naliliiffigineqarnissaa saqqummiunneqarput, navianaateqarsinnaasullu nutaat paasiniarnerinut sulinerit aallartinneqarput, isumannaallisaanermimi pingaarnerpaajuartoq tamatigut tassaavoq inuk.

“Uatsinnut suliffeqarfittut, sulisutsinnut nunattalu tamarmi attavilersugaaneranut sorpassuit ajutoorsinnaapput, uagut TELE-POST-imi sulisutut IT-p isumannaatsuunissaanik suliaqarnerput aqulluanngikkutsigu. Taamaattumik navianartoqarsinnaaneranik nalilersuineq aammalu inerisimanerup naliliiffigineqarnissaata nutaap suliarinissaa maanna suliniutigilerparput, taannalu Danmarkimi nalunaarasuartaaserinermik sulialinnit misilittagaqarluartunit KPMG-kunnit suliarineqassaaq,” Aningaasaqarnermut pisortaq Line Frederiksen IT-p isumannaallisaavigineqarneranut aqutsisooqatigiinni siulittaasoq nalunaarpoq, maannalu isumannaallisaanermut pisortassamik nutaamik pissarsiortoqarpoq misissuinerit kingunerisaannik suliassat suliarineqarnissaannik qulakkeerinnittussamik.

“TELE-POST-imi sulisutut tamatta pisariaqartippagut ulluinnarni pitsaanerpaamik qanoq uatsinnut qulakkeerinniffiginissamut ilitsersuutit eqqortut nutartikkallu, qullersallu taakku suliarinerat pingaartillugulu qanimut malinnaavigaat. Naak IT-mik isumannaallisaaneq pikkunaakujuttutut isigineqarsinnaagunaraluartoq, uatsinnut allanillu illersuinissarput pingaaruteqarpoq. IT-mik isumannaallisaaneq ukkataraarput sullitagut tamaasa aammalu Kalaallit Nunaanni inuit illersorumallugit”, TELE-POST-imi aningaasaqarnermut pisortaq Line Frederiksen naggasiivoq.   

Allanik paasisaqarumaguit apeqqutissaqaruilluunniit attaveqaqatigiinnermut pisortaq Julie Rademacher mailimut julie@telepost.gl imaluunniit mobil +299 263535-mut attavigisinnaavat.