Menu
Your shopping cart is empty.

06/02/2020 - 08:39

TELE-POST-ip nalunaarutigaa Nanortalimmiit kujammut attaveqaatit tamarmik atassuteqaqqilersut. Pingasunngormat ullup qiteqqunnerani atassutaaruttut, ulloq taanna unnuinnartoq tamarmik atassuteqaqqilerput. Marlunngornermi kalerrisaarut tutsiuppoq, ajoquteqartoqarnera peqqutigalugu innaallagiaaruttoqassasoq.  

Teknikkerit aaqqissuiartortussat helikopterimi piareersimareersimagaluarput, kisiannili silarluk peqqutigalugu Qaqortumiit radiokædeqarfinnut, innaallagiaarullutik tamanik atassutaarutitinnginneranni, aaqqissuiartorlutik ingerlariaqqissinnaasimatik. 

Upalugaarsimanermut pisortaq Kim Hammond Zinck nassuiaavoq:   

  • Qujanartumik sila pitsaanerulermat aamma teknikerit suleqatigiit pikkorissut pilersaarusiorluakkamik Sermeq Helicopters peqatigalugit sulinerisigut, pingasunngorneq ualilluinnartoq radiokædeqarfimmut anngussinnaasimavugut, ajoqutillu aaqqissuullugit, radiokædemili misileraangaatsiareerluta aatsaat attaveqaatit tamarmik aaqqinneri qularnaarsinnaasimavarput, nalunaarutigalugulu. 

  • Teknikkerit suleqatigiissussat piareersimasimapput, atuisartuvullu toqqaannartumik ilisimatippavut atassuteqaatit attaveerunnissaannik. Naak silarlunnera peqqutigalugu unammilligassaqaraluaqisoq, suliassaq naammassilluaratsigu tulluusimaarutigaara. 

  •  

Allanik paasisaqarumaguit Attaveqaqatigiinnermut pisortaq Julie Rademacher, tlf.+299 26 35 35-mut attavigisinnaavat.