Menu
Your shopping cart is empty.

07/02/2020 - 17:15

Inuit siuariartornerullu aamma timersornerup, inuit ataasiakkaat inuiaqatigiillu, inummut imminermut, ataatsimoornermut aamma timersornermut, naleqartitatigut  qasujaassutsikkut  akisussaassutsikkullu, nukittuunik piginnaasaqartilersinnaagai, TELE-POST-ip upperaa. Naleqartitat tamakku Elite Sport Greenlandip suliaanut nukittussutsimut, siunnerfeqarluarnermut aamma ineriartornermut tulluartorujussuupput.

Taamaattumik aalajangernikuuvugut Elite Sport Greenlandimut (ESG) ukiuni arlalinni aningaasaliisuusarniarluta. Suleqatigiinneq taanna maanna sivitsorneqarpoq, kalaallinut timersornikkut piukkunnaateqarluartunut iluaqutissanngorluni.

- Suleqatigiinneq tamanna arlaatigut iluaqutaava? ESG-ip siulittaasuata tullia Inooraq Brandt aperaarput, imalu akivoq:

  • TELE-POST-imik suleqateqarneq uatsinnut isumalerujussuuvoq. Suliatta qaffassissumik naammassineqarsinnaanerinut tapiissuteqartarneq soorunami pingaaruteqaqaaq, aammali aningaasaliisartumik TELE-POST-itut pingaaruteqartigisumik qanimut suleqateqarnissarput aamma taama pingaaruteqartigaluni. Suleqatigiinnitsigut piginnaasaqarluartunut amerlanerusunut, ukiuni tulliuttuni piorsagassatsinnut, anngussinnaalersarpugut. Taamaattumik TELE-POST-ip suleqatiginera immikkut nuannaarutigilluinnartarparput.

Kisiannili suliffeqarfiup TELE-POST-itut ittup Elite Sport Greenland aqqutigalugu sooq timersullaqqissut tapersiisortarpai?

  • Kinguaariinni tullinnguuttut salliuterusuppavut, takusinnaavarpullu timersullaqqissut sakkortuumik sungiusartarnermikkut anguniakkatik angusaraat. Sungiusarnissamik pilersaarusiornissaa ilinniartarpaat, sammisassatik aaqqissuullugit, ataatsimooqatigiiffinnillu peqatigiiffiliortarlutik. Piginnaasat tamakkua inuiaqatigiinnut iluaqutaalerumaarput, John Eyðstein Johannesen, TELE-POST-imi ineriartortitsinermut pisortaq, oqarpoq, erseqqissarlugulu:
  • Uatsinnut TELE-POST-imi sulisuusunut isumaqaqaaq Kalaallit Nunaamiut pikkorissut tapersersorlugillu tulluusimaarutigisinnaagatsigit, taakkumi meeqqanut inuusuttunullu allanut maligassiuisuummata. Anguniagassaminnut nutaanut, takisuunik aqquteqartussanut, anngunniarnerini, aqutissaasa ilamininnguini ikiorsinnaagatsigit nuannaarutigaarput.

Sukumiinerusunik paasisaqarusukkuit Elite Sport Greenlandimi siunnersorti Christina Tønder Bell  tfl. +299 348153 imaluunniit TELE-POST-imi Attaveqaqatigiinnermut Pisortaq  Julie Rademacher tlf. +299 263535 attavigiuk.

Kakkiussaq: Elite Sport Greenlandimi Siulittaasup tulliata Inooraq Brandtip aamma John Eyðstein Johannesen, TELE-POST-imi ineriartortitsinermut pisortap atsioqatigiinnerannit assilisaq.