Menu
Your shopping cart is empty.

01/05/2020 - 15:33
Nikolaj Christoffersen

TELE-POST-ip imaatigut kabelip pilersinnissaanut aammalu sakkortusaavinnik nutarterinermut annertuumik aningaasaliineratigut Kalaallit Nunaanni innuttaasut 92 %-ii maanna internettimik sukkanermik akikinnermillu toqqaasinnaanngorsimalerput. Ineriartortitsilluarnikkut nuna periarfissanut aammali siooranarsinnaasunut ammaanneqarpoq. Pingaartumik Coronamik ajornartorsiuteqarnerup nalaani digitalinngorsaaneq nalunaarasuartaatitigullu attavilersugaaneq kiisalu allakkerinermik sullissinerit nunamik tamarmik ataqatigiissitsipput.

Aaqqissuussaanermik allanngortitsineq

TELE-POSTip suliffeqarfittut Kalaallit Nunaanni allakkerinikkut nalunaarasuartaateqarnikkullu sullissinerit qulakkeerumallugit, ukiunut digitalinngorsaaffiusunut naleqqussarluni aallartippoq. Taamaattumik suliffeqarfimmi aaqqissuussaanikkut maanna allanngortiterisoqarpoq, sillimaniarnermut IT-mullu immikkoortortamik nutaamik pilersitsinikkut.

IT-mik Suliaqarfik nutaaq aammalu IT-mut pisortaq nutaaq

Pisortat IT-mut systemeqarfimmut illuatungaanilu IP-kkut attaveqaatinik aqutsinerit attaveqaqatigiinnermut naleqqiullutik allaaneroqaat. Tamanna pillugu IT-qarneq teknikkimut immikkoortortamiit maanna avissaartinneqarpoq IT-mut immikoortortamik pilersitsinikkut, nutaamillu IT-mut pisortaqalerpoq ingerlatseqatigiiffimmi namminermi pissarsiarineqartumik. TELE-POST-imi IT-mut pisortanngortoq Nikolaj Christoffersen qilanaarpoq, pissangallunilu:

- 2009-miilli TELE-POST-imi sulilerpunga, suliffeqarfissuarmillu ineriartortitsineq suliffimmi sumiiffinni assigiinngitsuni sunniuteqaqataaffigisimallugu, taamaattumik aamma suliassanik nutaanik aallussinissamik periarfissinneqarnera nuannaarutigeqalugulu pissanngatigeqaara.

Sillimaniarnermut immikkoortortaq nutaamik sillimanissaq pillugu paasissutissiinermut pisortalik

Ukiuni kingullerni nalunaarasuartaateqarnikkut attaveqatigiinnermik nunarsuarmi tamarmi ajoqusiiniartarnerit, Kalaallit Nunaannik aamma eqquissapput. Taamaattumik ajortumik pisoqartinnagu isumannaallisaaneq TELE-POST-imi maannangaaq pingaartinneqarluinnarpoq.

- Nunap attaveqaasersugaanera ajutoortinneqarsinnaasoq isumannaallisaavigaarput Issittorlu aqqusaarlugu ajoqusiiniarnernik siunertallit ajutoortitsinnginneranni isumannaallisaaneq qajannaallisarlugu aallartipparput. Kalaallit Nunaanni nalunaarasuartaasersugaaneq uagut qulakkiigassaraarput. Innuttaasunut akinik appaaqqammerpugut, suliffeqarfinnullu isumannaallisaaneq maanna sakkortusivarput, TELE-POST-imi pisortaaneq Kristian Reinert Davidsen taama oqarpoq.

Paasissutissiisarnermi, suliffiup iluani pilersuisutullu sillimanissaq TELE-POST-imit pingaartinneqarluinnarmata aningaasaqarnermut pisortap ataani Sillimaniarnermut Immikkoortortamik pilersitsisoqarpoq sillimaniarnermullu paasissutissiisartumik nutaamik atorfinitsitsisoqarluni. Sillimaniarnermut Immikkoortortap IT-mik immikkoortortaq nutaaq qanimut suleqatigissavaa, Kalaallit Nunaanni nalunaarasuartaatitigut attaveqaateqarneq qulakkeerumallugu.

TELE-POST-ip aaqqissuussaanerata qaqinneqarnera

Systeminik IT-mik ilanngussineq, pitsanngorsaaneq IP-routingilu IT-mut immikkoortortamiilerput.

Pilersuinerup suliffiullu isumannaatsuunera, ingerlatsineq attaveqaasersugaanermillu ineriartortitsineq immikkut sammineqartunut ilaapput, taakkulu Teknikkimut Attaveqaqatigiinnermullu immikkoortortamiilerput. Piffissaq periusissianik suliaqarfiusoq, soorlu attaveqaqatigiinnermi suliassanik annertuunik, attaveqaatinut isaaffinnik illuutinillu ataqatigiissitsiviusumik pingaarnersiuiffiusumillu suliaqarfiusussaq ornipparput. Taamaalilluni TELE-POST-imut suli siunertaavoq nunamik ataatsimoortitsinissaq, nalunaarasuartaatitigut attaveqaqatigiinnerup allakkerinerullu Kalaallit Nunaanni qulakkeerneratigut sullitatta pitsaanerpaamik misigisaqartinnissaat, attaveqaatitsinnik annertusaanerup nukittorsarnera, suliffeqarfimmik pitsaasumik ingerlatsinerput, pilerinartutut suliffeqarfiunerput inuiaqatigiinnullu sunniuteqarluarnerput aqqutigalugit.

TELE-POST-ip IT-mut pisortaata nutaap Nikolaj Christoffersenip naatsumik ilisaritinnera suliarisimasaalu

Nalunaarasuartaaserinerup iluani annertuumik misilittagalik, inuk peqqissumik siunertalimmik akuusoq eqeersimaarlunilu aqutsisoq:

Nikolaj Christoffersen

Inuuvoq 973-imi

IT-mut Pisortaq

Ilinniagai

• Aqutsinermik aaqqissuussaanermillu HD (HDO), Ilimmarfik, Nuuk Nuuk, 2013

• Datamekaniker, Metalindustriens Fagskole Ballerup Danmark, 1994-1998 

•  Ilinniarnertuutut soraarummeerpoq, Qeqqata Ilinniarnertuunngorniarfiani, Kalaallit Nunaat, 1990-1993

Siornatigut atorfeqarsimaneri suliaqarfiilu

2009-2020: Tele Greenland Nuuk

Grønland BSS Manager - Business Support Systems 2012-2013 & 2015-ulloq manna tikillugu, Kalaallit Nunaat, Pilersaarutinut aqutsisoq ilaatigullu program manageritut – Periusissianut allattoqarfik 2013-2015, Kalaallit Nunaat Product Manager & Pilersaarutinut aqutsisoq – Niuerfimmut immikkoortortaqarfik 2009-2012

1996+2004 & 2005-2009: TDC, Fastnet Norden København

Danmark Nioqqutinut pisortaq – Niuerfimmut immikkoortortaqarfik 2007-2009, Danmark Pilersaarutinut aqutsisoq - Online Services 2005-2007, Danmark Atortulersuutinik ineriartortitsisoq - Online Services 1996-2004

2004-2005:The Disc Shop Brisbane

Australien Atortulersuutinut aammalu IT-mut akisussaasoq – Queenslandimi aqqanilinnik pisiniarfilimmi qarasaasianik nioqquteqarfik 2004-2005

Suliaqarfiit allat

Købehavnsroklubbimi siulersuisunut ilaasortaq 1997 – 2000

Elite Sport Greenlandimi siulersuisunut ilaasortaq 2014 - 2019

Elite Sport Greenlandimi siulersuisunut ilaasortaq 2019 - … (Suli siulittaasuuvoq)

Nuuk Floorball Clubimi siulersuisunut ilaasortaq 2016 … (Suli siulittaasuuvoq)

NSP-mi siulersuisunut ilaasortaq – ukiuni marlunni ilaasortaavoq.

• Timersornermik aallutalittut ilisimaneqarpoq – assammik arsarluni siornatigut pissartanngorsimavoq aammalu Danmarkimi iporsuunnermi pissartanngorsimalluni.