Menu
Your shopping cart is empty.

09/05/2020 - 20:05

9.maj 2020 Nal. 17.00:

Ippassaani ajutoornitta kingornatigulli teknikkerivut ulloq unnuarlu sulipput ajoqutit aaqqinniarlugit. Ullaakkuani atuisut tamarmik internetteqaqqilerput, kisianni modemminut Wifi ammaqqinneqartussaavoq. Wifi-mulli aqqutit tamaasa ataatsikkut atortutta ammaqqissinnaanngilaat. Ippassaanili Wifi-mut attaviit 85%-tii attavineqqipput, sinnerisalu 15 %-tit attavininnissaat maanna suliarineqarpoq.

____________________________________________________________________________________________________________________________________________________________________________________________________

8. maj 2020 Nal. 20:30:
Wifikkut attavinnik ammartiterineq suli ingerlavoq. Wifikkut attavillit tamaasa attavinitseqqinniarlugit TELE-POSTimi teknikkilerisut sapinngisartik tamaat sulipput. Pisariaqassappallu unnuk unnuarlu naallugu attavinitsitsiniarneq ingerlaannassaaq. Aqagu nutaamik paasissutisseeqqissaagut.

____________________________________________________________________________________________________________________________________________________________________________________________________

Ippassaq wifikkut attaveqaatitigut ajutoornerup kingorna arlallit suli attavininngillat. Tamanna TELEPOSTimit ajuusaarutigaarput.

Ippassaq ullaap tungaani attaveruunneq teknikkikut ajutoornermik peqquteqartoq modeminut tamanut eqquivoq.

Ajoqutaasoq maanna aaqqinneqareeraluartoq systemip modeminik tamanik attavinitsitseqqiiniaanera sivisusinnaavoq.

TELE-POSTimi IT-qarnermut direktørip Nikolaj Christoffersenip pakatsisimaartut paasisinnaanerarpai attavinitsitseqqinniaanerullu sivisusinnaanera ima nassuiaateqarfigaa: 

- Maanna tamaviaarluta sulinerput qularutigineqassanngilaq, naammagittarnissinnullu qujanaq. Teknikkikkut systemini modeminut atassusiisartuni ajutoorneq wifikkut attavinnik aallartitseeqqittariaqalersitsivoq. Illit atuisutut wifimut attaviit nammineq iliuuseqarfigissanngilat - uagut systemittalu tamanna isumagissavarput. Systemili wifinik tamanik ataatsikkut ammaasinnaanngilaq. Kisianni wifinut attaviit 70 %-tii ippassaq ammaqqinneqareerput sinnerilu 30 %-it ammaqqinniarlugit sapinngisarput tamaat maanna sulivugut.

Wifikkut attaviit tamarmik pissusissamissut ingerlaqqilerpata, tamanna TELE-POSTimit nalunaarutigineqarumaarpoq.