Menu
Your shopping cart is empty.

09/07/2020 - 11:43

TELE-POST-ip, Royal Greenland-ip, Polar Seafood-ip KNAPK-llu ataatsimoorlutik kajumissaarutigaat imaani kabelip paarineqarnissaa, maannalu paasititsiniaanermik ingerlataqalerput ima oqariartuutilimmik: “Kalaallit Nunaata tamarmi imaani kabelia paaritigu”

Nalunaarasuartaateqarnikkut aaqqissuussaaneq inuiaqatigiinni innuttaasunit tamanit pinngitsoorneqarsinnaanngitsoq Nunatsinnut attavilersuutaavoq mianerisarialerujussuaq. Internetikkoortut paasissutissat millisekundtit tamarluinnaasa imaatigut kabelikkut 5.000 kilometerit sinnerlugit takissusilikkoortarmata kabelersuaq Kalaallit Nunaata digitaliusup ”taqarsuatut” pingaarnerpaatut oqaatigineqarsinnaavoq.

“ Imaatigut kabeli kittorarneqaraangat ajorluinnartumik pisoqartarpoq. Taamaattoqaraangat innuttaasut netbankitik atorsinnaajunnaartarpaat, piniarnermut akuersissummik qinnuteqaateqarsinnaajunnaartarlutik ernuttaminnlluk internetikkut oqaluussisinnaajunnaartarlutik. Imaani kabeli kittorarneqaraangat inuiaqatigiinni suliffeqarfiit inuussutissarsiutillu pingaarnerpaaginnaat datamik atuisinnaasutut allatut ajornartumik salliutilersarpavut”, TELE-POST-imi Teknikkimut pisortaq Jonas Hasselriis erseqqissaavoq minnerunngitsumillu KNAPK, Royal Greenland Polar Seafoodilu paasititsiniaqatigiinnermut peqataanerannut qutsavigalugit. 

KNAPK-p pisortaa Henrik Sandgreen oqaaseqarpoq: ”Uagutsinnut pingaaruteqarpoq imaani kabelip paarinissaa aalisartullu kabelip sumiinnerata ilisimanissaa qulakkeerumallugu atortunik eqqortunik peqarnissaat. TELE-POST kutteriutilinnut aalisariutinillu minnerusunik piginnittunut nammineertumik paasissutissanik nutarterinissamut atortuuteqanngitsunut USB-nik agguaassivoq. Tamanna sullissilluarneruvoq, uagullu akisussaanermik tiguseqataavugut aalisartullu tamaasa imaani kabelimik paarseqataaqqullugit kajumissaarlugit, aamma naak aalisagaqarluartuni inissisimagaluarpalluunniit.”

Polar Seafood-ip kilisaataataata “Nattoralik”-p Royal Greenlandillu kilisaataataasa atortorissaarutitik iluaqutigalugit imaani kabelip sumiissusia takusinnaagamikku kalinnerminni aqqusaarnaversaarsinnaavaat.

TELE-POST-imi Teknikkimut pisortaq Jonas Hasselriis nassuiaavoq, Kalaallit Nunaata nalunaarasuartaateqarnikkut ”Noqartaata” taassuma ataatsip sakkortusaavinnut aamma atassutaasup, ilualiarsuarnit aamma ajoquserneqarsinnaanera imaani kabelimik siaarsinermi aamma eqqarsaatigineqarsimasoq.

Pisimasut pillugit paasissutissat: 
2019-ip aallartinneraniilli imaani kabelimimik kittorartoornerit pingasut sakkortuumik kinguneqarsimapput. 2019-imi aamma assut anorlerajussimavoq, tamaattumillu ajutoornerit ukioq taanna ukiakkut septembarimi aatsaat iluarsineqarsinnaasimapput. 2018-imut ukiumoortumik naatsorsuutinut ilanngunneqartut 17,7 mio. kr.-it ilanngukkaanni, imaani kabelimik kittorartoornernik aaqqissuussinerit TELE-POST-ip 2019-imi aningaasanut tigoriaannaatigisaanut katillutik 71,6 mio. kr.-it nalinginik sunniuteqarsimapput.

Imaani kabelimik aqqusaarinnittarneq umiarsuaatilinnut akisusaqaaq inuiaqatigiinnullu ajoqusiisaqaluni. Taamaattumik kikkut tamarmik imaani kabelimik paarsinissaannik kajumissaarneqarput. 

 

Paasissutissiinerusumik filmiliaq uani takuuk:  Kabelersuaq paaritigu - Pas på søkablet 

Sukumiinerusumik paasisaqarusunnermi attavigisassaq: TELE-POST-imi paasissutissaarnermut pisortaq Julie Rademacher emai: julie@telepost.gl mobil: 263535