Tusassilinnut atugassarititaasut pitsanngortinniarlugit TELE-POST suliniuteqartuarpoq.

Taamaattumik Tusass mobililinnut atuisuuffiit nuannarineqarnerpaat ilaat datanik suli amerlanernik ilaneqassapput – sullitatta saniatgut akiliuteqarfiginngisaanik. Tamanna sullitatsinnut innuttaasunut aammalu sullitatsinnut Tusass Suliffeqarfiutilinnut atuuppoq.

Assersuutigalugu 12 GB datalik Tusass mobili 20 GB-inut qaffaavigineqassaaq, Tusass mobili 20 GB-ilillu 50 GB-ersuarnut qaffaavigineqassalluni. Datanik qaffaaneq atuisuuffinnut pineqartunut marlunnut saniatigut akiliuteqarfiussanngilaq. Aammattaaq Tusass mobilimi atuisuuffik 5 GB-ilik qaammammut taamaallaat 359 kr.-ilik pisiarineqarsinnaanngussaaq.

Mobilinut atuisuuffiit pingasuusut ilaat datamik annertuumik immikkut pilik atuisuuffiginngikkukku, atuisuuffiit tusass.gl-imi pisariitsumik pilertortumillu nuussinnaavat. Aammattaaq TELE-POST Centerit qaninnerpaaq ornissinnaavat imaluunniit 80 80 80-imut sianersinnaallutit mobilinut atuisuuffiit dataqarluartut taakku ilaannik qanoq ilillutit pissarsisinnaanerlutit tusarniarlugu.