Menu
Your shopping cart is empty.

24/03/2021 - 09:44

Coding Classimik siunnersorterput Martin Olesen, sapaatip akunnerani uani Narsamiippoq Narsallu Atuarfiani 7. klassenut Coding Classertitsilluni. Sapaatip akunnerani meeqqat kodiineq digitaliseeriinerlu ilinniarpaat. Martin oqaluttuarpoq: 

  • Narsami atuartut silarsuarmi anguniakkat 17-iusut suliarinissaat qitiutillugit brainstormernermik, isumassarsianik piviusunngortitsinermik kodiinermillu suliaqarput. Qanoq suliarineqarsinnaaneri pillugit isumassarsiatsialannik pissarsivugut, atuartut ilaatigut igitassanik immikkoortiterineq, arferit pillugit kodiillutik pinnguaasiorput.

Kinguaariit tulliit soqutiginninnerat iluaqutigalugu digitaliusut pillugit immersornissaat, siuarsarnissaat ilikkagaqartinnissaallu uagutsinnut pingaaruteqarpoq, takusinnaalerniassammassuk nutaanik ilusilersuilluni digitaliseeriineq qanoq naammassisaqartitsisinnaanersoq.

  • Atuartut saqqummiussassaminnik suliaqarnerat digitalilu atorlugu sanaartornerat isumassarsinarput. Atuartut nuanneqisumik aamma pulaarput, Narsami TELE-POST Centerimi suliarineqartartunik assigiinngitsunik saqqummiivigineqarlutik montørittalu takutippaa bredbåndimut modemip qanoq ikkussuunneqarlunilu attavilerneqartarnera, TPC-mi aqutsisoq Lene Brummersted oqarpoq. 

Narsami TELE-POST Centerimiut ikiuulluaqaat tapersersuillutillu. Coding Classeqartitsinermut soqutiginnilluarnerat malunnaqaaq kiisalu pingasunngornermi ualikkut Narsami Coding Piratesimik ingerlatsinermi ikiuullutillu peqataapput. 

Sapaatip akunnera iluatsilluarpoq, nuannaarutigaarpullu nuna tamaat Coding Classimik ingerlatsivigisinnaanngoratsigu. Digitaliseeriineq ilisimasaqarfigineqarnerujartuinnartoq sakkussatsialaavoq tassangalu peqataasinnaagatta tulluusimaarutigaarput. iPadilerinermi ikiorti Rino Grønvold ilinniartitsinermut malinnaasoq ima oqarpoq:  

  • Atuartut ilinniagassamut pissanganartumut allaanerusumullu soqutiginnilersippagut. Peqataalluaqaat pissarsiaqarluarlutillu. Teknologii kodiinerlu siunissami pingaaruteqartorujussuanngortussaapput, maannakkullu ilinniartitsineq meeqqanut sukasaataallunilu siuarsaajumaartoq qularutiginngilara.