Menu
Your shopping cart is empty.

19/07/2021 - 15:00

Digitaliseeriineq Kalaallit Nunaannut annguppoq – datanik atuineq 2000%-imik qaffariarujussuarpoq Coronallu nalaani digitalinngoriartorneq sukkatsilluni. Sullitagut Coronap nalaani internettikkut niuernissamut sungiussipallassimapput, pingaartumik niuerfissat toortaapallannikkut iserfigineqarsinnaagaangata - tamatumanilu digitalinngorsaaneq kiisalu sullitagut ukiuni Nunarsuarmioqatigiit imminnut qanilliartuinnarfiini, niuernermut logistikkimullu piumasaqaatinik nutaanik pilersitsipput.

TELE-POST-ip Kalaallit Nunaanni digitaliusumik ineriartornermut malinnaasinnaajumalluni  suliaqarfik nutaaq Digitaliusumik niuernermik logistikkimillu suliaqarfiusussaq pilersippaa pisortassaanillu atorfinitsitsilluni.

Pisortap nutaap piginnaasamigut naleqqulluartuunera TELE-POSTimi pisortaanerup Kristian Reinert Davidsenip nuannaarutigaa. Pisortaq nutaaq Nunatsinni inuiaqatigiinnik ilisimaarinnilluartuuvoq, arlalinnik oqaaseqartuulluni, ukiuni arlaqartuni pisortatut misilittagaqarluni kiisalu Nunatta digitaliusumik ineriartorneranut TELE-POSTip siuttuunissaa qulakkeerniarlugu suliaqarfiup nutaap allanngoriartorneranut aqutsilluarsinnaalluni.

Digitaliusumik niuernermut logistikkimullu pisortanngortoq Lars Borris Pedersen ima oqarpoq: 

-Ukiuni digitalinngoriartorfiusuni allakkerinermik nutaanngorsaanissamut siuttuussaanga. TELE-POSTimi suleqatigiit nukittuut logistikkilerinermik aallussilluartut siunissami internettikkut niuernerulernissamik periarfissanillu nutaanik pilersitsinissamut qulakkeerinnittussat suleqatigilernissaat nuannaarutigaara.

Digitaliusumik niuernermut logistikkimullu pisortanngortup aamma akisussaaffigissavai Nunatsinni niueqatigiinnermi periarfissanik nutaanik pilersitsinissaq Kalaallit Nunaannillu Nunarsuup sinneranut ammaassinissaq. 

Pisortaanerup Kristian Reinert Davidsenip Digitaliusumik niuernermut logiostikkimullu pisortap nutaap septembarip aallaqqaataanni sulilernissaa erigeqaa. Pisortaq nutaaq misilittagaqarluartoq ingerlatseqatigiiffiup inuiaqatigiillu digitaliusumik allanngoriartornerannik  qulakkeerinneqataassaaq kiisalu Allakkeriveqarnermik, logistikkimik frimærkinillu ukiuni digitalinngoriartorfiusuni ineriartortitseqataassalluni.

Paasisaqarnerorusunnermi attavissaq: TELE-POSTimi attaveqaqatigiinnermut pisortaq Julie Rademacher, email: julie@telepost.gl mobil: 263535