Suliffeqarfimmut uummaarissumut ilaalerit, inuttut suliannullu ineriartornissannut annertuumik periarfissalimmut

Tunniusimasuuit alapernaatsuullutillu? Suleqatitit nalingalugit sulerusuppit? Saniatigullu sammisat pillugu ilinniagaqarlutit? Taava immaqa ilinniartorisinnaavatsigit imaluunniit praktikkertorisinnaallutit.

TELE-POST Kalaallit Nunaanni ilinniarfinnut pitsaanerpaanut ilaarusuppoq. TELE-POSTimi praktikkernerni/ilinniartuuninni ilinniarnerit tapersersorneqassaaq, saniatigullu ilinniakkavit naammassinissaanut sulinerullu silarsuaanut appakaannissavit piareersarnissaanut periarfis- saqassaatit. Taamaattumik naatsorsuutigissavat TELE-POSTimi ilinniartutut/praktikkertutut pisussaaffilerneqanissat.

Ilinniartuuffissaq

TELE-POSTimi Ilinniartuuffiit/praktikkerfiit ukua periarfissaapput: Illoqarfinni tamani TELE-POST Centerit:

• TNIp pisiniarfia

TELE-POST Center Tasiilaq:

• TNI allaffeqarfik

Nuuk:

• AU aningaasaqarneq & isumalluutinillu aqutsineq

• AU nunat tamalaat akornanni niueqatigiinneq & pilerisaarinerlu

• AU Assartuussineq & ingerlasussanik piareersaaneq aqutsinerlu (logistikki)

• Paasissutissanut teknikki

• Elektronik-suliarisamut teknikki

Ilinniarfissatut maannakkut periarfissat uani nassaarisinnaavatit

Ilinniarfiusinnaasumik soqanngikkallarpat ilinniartunngornissannut qinnuteqaatit uunga iserlutit uploadersinnaavat. Ilinniagaq illoqarfillu sorleq qinnuteqarfiginerlugu erseqqissumik allaguk.

TELE-POSTimiit ilinniarfissarsissagaanni ilinniagariniakkamut akuerisaasimanissaq piumasaqaataavoq.

Emailikkut qinnuteqaatinik tigusisanngilagut.

Nunarsuarmioqatigiit anguniagaat naleqqatut atorlugit

Digitaliusumik ineriartornissamut kinguaariinni tulliuttut sallersaapput. Taamaattumik digitalikkut pisinnaasat periarfissallu salliutitillugit TELE- POST sulissuteqarniarpoq, TELE-POST-ip nunattalu siunissaat, ilinniartitaaneq aqqutigalugu, qulakkeerneqarneqarniassammata.

“Kalaallit Nunaata digitaaliusup ataqatigiinnera TELE-POST-ip qulakkeerpaa, nunarpullu tamaat digitalip ukiuinut ersertillugu. Nunatta oqaluttuarisaanerani digitaalimik mumisitsineq immaqa nipaatsumik mumisitsinerungaluarpoq, siunissarlu sunik nassataqarumaarnersoq naluarput. Ataaserli qularnanngilaq kinguaariinni tullinnguuttut sallersaatittariaqarpavut, piujuaannartitsinisamullu anguniakkamut imaannaanngitsumut suleqatigalugit.”

- Kristian Reinert Davidsen, Pisortaaneq

Praktikkerneq specialeliornerlu

Praktikkerfissarsioruit, assersuutigalugu ingeniørinngorniarninni, TELE-POSTimilu misilittagaqarusullutit immikkoortortaqarfik HR oqarasuaatikkut sapinngisamik siusinaarlutit attavigiuk:

+299 34 12 55. Illit ilinniakkallu pillugu paasisaqarusuppugut, pitsaanerpaamik misigisaqartikkusullutit kiisalu TELE-POSTimut nalilimmik tunniuss- inissat anguniarlugu.

Suliffeqarfik TELE-POSTi suleqatigalugu ilinniartutut specialeliorusukkuit tusarfigerusuppatsigit. Ilinniartunik suleqateqartarneq isumassarsianik pissarsiviusartoq TELE-POSTimik atuisunut, inuiaqatigiinnut sulisunullu iluaqutaasarpoq.

Tusarfiginissat qilanaaraarput.