Menu

Aggustimi 2017-imi imaatigut kabelip maannakkut atuuttuusup tallineqarnera suliarineqalerpoq. Tamanna ukiariartornerani ukiarneranilu 2017-imi suliarineqassaaq. Imaatigut kabelip Nuummiit Maniitsumut, Sisimiunut aamma Aasiannut tallineqassaaq 700 kilometerillu missiliorlugit ataatsimut katillugu takissuseqalissalluni.

Imaatigut kabeli Ilulissanut tallineqassanngilaq, tamaani iluliarsuit ajornakusoortimmassuk immap naqqanut itivallaanngitsumut kabelilersuinissaq, TELE-POST-illi Aasianniit Ilulissanut sakkortusaavitsigut attaveqaatit pitsaanerulissavai, taamatut datanik annertunerusunik tunniussisinnaalersillugu.

Imaatigut kabelilersuisoqareerpat Greenland Connect-kabeli tamakkiisoq immap naqqatigoortinneqartoq 5.000 kilometeriulissaaq. Imaatigut kabeli datanut motorvejiuvoq, TELE-POST-illu Qeqertarsuup Tunuata paavatigoortilerpagu Nuup avannaaniittunut attaveqaatitsinnut tamanna pitsanngorsaataasorujussuulissaaq.

Imaatigut kabelip tallineqarnerata, uagut Greenland Connect North-imik taagukkatsinni, akimmisaarutaasut piissavai sukkassuserlu pitsaanerulersikkiartuaarnissaa aammattaaq periarfississallugu sakkortusaavitsigut attaveqaatit pitsaanerulersillugu. Suliniutinut allanut ilanngullugu ukiuni aggersuni imaatigut kabeli pitsaasorujussuarmik sunniuteqalissaaq kitaata sineriaani amerlasuunut, imaanngitsoq taamaallaat imaatigut kabeleqarfinni illoqarfinni kitaatali sineriaata annertunerpaartaani.

2007-imi TELE-POST taamanikkut Namminersornerullutik Oqartussanit imaatigut kabelip Greenland Connectip suliarinissaanut piginnaatinneqarpoq, taamanikkut 736 millioner koruunit missaannik akeqarluni. 2016-imi Namminersorlutik Oqartussat Aasiannut attaveqaatip tallineqarnissaa akuersissutigaat, tamannalu maannakkut suliaraarput. Taamanikkut imaatigut kabelilersuinissamut suliniut TELE-POST-imut katillugu 350 millioner koruuninik miss. akeqarnissaa naatsorsuutigineqarsimavoq.

Ulloq 31. august 2017 Avannaanut imaatigut kabeli, Greenland Connect North, TELE-POST-ip Aasianni nuannatsitsinikkut malunnartippaa.

Imaatigut kabelip tallineqarnerata kingunerissavaa, TELE-POST-ip 2017-imi decemberimi bredbåndimut nioqqutit nutaat sullitanut nioqqutigisinnaanngorneri, nioqqutillu piffissap ingerlanerani sullitatsinnit amerligaluttuinnartunit pisiarineqarsinnaalissapput.

TELE-POST-ip attaveqaataasa pitsanngorsarneranut suliaqarneq maanna tikillugu ingerlalluarpoq. Imaatigut kabelip sanaartornera aallartilluarpoq TELE-POST-ip pilersaarutaasumit ullunik qulinik sioqqutsilluni inuiattut ullorsiornermi ullormi 21. juunimi 2017-imi imaatigut kabelimut nunami sulluliarsuassanut qillerineq naammassimmagu. 

Aasiaat kujataanni imaatigut kabelip nunakkoortinneqarnissaa, tassa qeqertami Saqqarliip Nunaanerpiaq napparussuarnut arlalinnut kabelip ikkunneqassasoq TELE-POST-imi aalajangerpugut. Taamatut iliorpugut imap naqqatigut kabelip ingerlatsinnissaa pisariaqanngitsoq pinngitsoorniarlutigu.
Imaatigut kabelip kingunerissavaa attaveqaatit TELE-POST-ip nioqqutigisassani nutaat sullitanut decembarimi 2017-imi nioqqutigilernissaat, nioqqutissallu piffissap ingerlanerani amerliartortunit pissarsiarineqarsinnaalissallutik.

Imaatigut kabelimut umiarsuuup, Ile De Seinep, Kitaata sineriaani kabelimik siaarsinera ugguuna isiginnaarsinnaavat.

TELE-POST-ip imaatigut kabelimik talliliinera pillugu video matuma ataani takukkit:

 

Imaatigut kabeli pillugu nutaarsiassat kingullerpaat: