Menu

Sumiiffinni assigiinngitsuni akit sooq assigiinngillat?

Illoqarfinni nunaqarfinnilu imaatigut kabelikkut, sakkortusaavikkut qaammataasakkullu attaveqartuni neqeroorutigisinnaasagut assigiinngissuteqarput. Tamatumunnga pissutaasoq tassaavoq malittarisassiortoqarsimammat sinaakkusiortoqarlunilu nuna tamakkerlugu internetimut akinik assigiissunik atugassaqartitsisinnaaneq TELE-POST-imut ajornarsisillugu. Sinaakkutit nutaat siunertaraat internetimut tunngatillugu unammilleqatigiissinnaanerup nukittorsarneqarnissaa.

 

Tapiliussatut nioqqut 8 Mbit suniarpa?

Nioqqut tuniniangaajunnaarami, kisianni taassuminnga atuisooreertunit suli ingerlanneqarpoq. Nioqqut Zone 2-mi ukununnga tapertatut atuisuuffingineqarpoq, Internet Mikinermut, Internet Mikisumut, Internet Akullermut, Internet Angisuumut aammalu Internet Annermut.

 

Internetitaarniarneq qanoq akeqarpa?

Attavilerneqarnermut akiliut 300,00 kr.-iuvoq.

 

Atuisuuffigisanni ilanngussamit annerusumik atuiguma qanoq pisoqassava?

Zone 1: Atuisuuffippit sukkassusaa arriilisinneqassaaq, tamakkiisumilli sukkassuseqartileqqikkusukkukku 99 koruuninik akiliinikkut Ilassummik qaffaaqqissinnaavutit. 

Zone 2: Atuisuuffigisanni paasissutissanut atugassat sinnerlugu atuiguit MB-mik ataatsimik atuinitit tamarmik akiligassarissavatit.

 

Atuisuuffigisanni paasissutissanut atugassaq ilanngussaanngitsoq ilanngussamiit akisunerua?

Zone 1: Naamik, atuisuuffinnut aalajangersimasumik qaammammoortumik akiliisarputit. Atuisuuffippit imarisaa sippullugu atuineq saniatigut akeqanngilaq, kisiannili attavippit sukkassusaa arriilisinneqassaaq. 

Zone 2: Aap. Atuisuuffigisanni ilanngussaq sinnerlugu paasissutissanut atuisimaguit, aki MB-mut ataatsimut akisunerussaaq. Atuisuuffinnut ilanngussamut naleqqiullugu suli annerungaartumik atuiguit, atuisuuffimmut allamut nuunnissaq eqqarsaatigisariaqarpat.

 

Paasissutissanut atugassaq ilanngussaq qanoq isumaqarpa?

Paasissutissanut atugassaq ilanngussaq tassaavoq paasissutissanut atugassaq atuisuuffigisanni atorsinnaasat.

Assersuutigalugu Internet Angisooq 999,00 kr.-neqarpoq illoqarfinni nunaqarfinnilu sakkortusaavikkut attaveqartuni. 999,00 kr.-inut taakkununnga ilanngussaavoq 30 GB data.

 

Qaammammi ataatsimi paasissutissanut atugassaq atunngitsuugara qanoq pineqartarpa?

Atuisuuffiit tamarmik qaammatip naanerani nul-inngortinneqartarput, qaammammiillu qaammammut atugassanik nuussisoqarneq ajorpoq.

 

Internet Anneq sumi neqeroorutigineqarpa?

TELE-POST-ip Annermut nioqqutit, illoqarfinni imaatigut kabelikkut sakkortusaavikkullu attaveqaatilinni, neqeroorutigai.

Sullitat illoqarfinni nunaqarfinnilu uani allattorsimasuni najugallit sakkortusaavikkut Internet Annermut attaveqaammik atuisinnaapput: Aasiaat, Ilulissat, Kangerlussuaq, Maniitsoq, Nanortalik, Narsaq, Narsarsuaq, Paamiut, Qasigiannguit, Qeqertarsuaq, Sisimiut aamma Uummannaq.

Illoqarfinni imaatigut kabelikkut attavilinni Nuummi aamma Qaqortumi atuisut Internet Annermik Zone 1-mut tulluussiamik aamma atuisinnaapput.

 

Illoqarfinni imaatigut kabelikkut aamma sakkortusaavikkut attavilinni Internet Anneq sutigut allaanerussuteqarpa?

Illoqarfimmi imaatigut kabelikkut imaluunniit sakkortusaavikkut attavilimmi najugaqarneq apeqqutaalluni Internet Annermik atuisuunerup annertussusaa assigiinngissuteqarpoq.

Illoqarfinni immap naqqatigut kabelikkut attavilinni (Zone 1) Internet Anneq 500 GB datamik annertussuseqarpoq, 10/2 mbps-imillu sukkassuseqarluni

Illoqarfinni sakkortusaavikkut attavilinni Internet Anneq 50 GB datamik annertussuseqarpoq, 4/0,7 mbps-imillu sukkassuseqarluni

 

Flatratemik nioqqutit nutaanik taaguuteqalerpat? 

Aap, Flatratemik nioqqutit atuukkunnaartut nutaanik taarserneqarlutik allatut taaguuteqalerput. Tamarmik Internettimik siulequteqarlutik taaguuteqalerput, Internet Mikisoq, Akulleq, Angisooq aamma Anneq.

 

Flatratenik nioqqutit pingasut taakku suna assigiinngissutigaat?

Nioqqutip annertussusaata qarasaasiap sukkassusissaa paasissutissanullu atuisinnaasusaa aalajangertarpaa. Ataatsimoortunngorlugit nioqqutip annertunerup sukkassuseq paasissutissanullu atorsinnaasaq annertunerutittarpaa.

Internet Mikisoq ima sukkassuseqarpoq 2/1 mbps 15 GB-nillu datamik imaqqortussuseqarluni. 

Internet Akulleq ima sukkassuseqarpoq 4/1 mbps og 50 GB-nillu datamik imaqqortussuseqarluni.

Internet Angisooq ima sukkassuseqarpoq 6/1 mbps og 100 GB-nillu datamik imaqqortussuseqarluni.

Internet Anneq ima sukkassuseqarpoq 10/2 mbps og 500 GB-nillu datamik imaqqortussuseqarluni.

 

Nioqqutini taakkunani pingasuni sarsuatitsinermi misigisaq assigiinngissuteqarpa?

Internet Mikisumi sarsuatitsinermut pitsaassuseq 2 mbps (Netflix 720p) neqeroorutigaarput, Internet Akullermi sarsuatitsinermut pitsaassuseq 4 mbps neqeroorutigaarput (Netflix 1080p), Internet Angisuumilu sarsuatitsinermut pitsaassuseq 6 mbps neqeroorutigalugu (Netflix 1080p). Internet Annermi sarsuatitsinermut pitsaassuseq 10 mbps neqeroorutigalugu (Netflix 1080p).  Pitsaassuseq pitsaanerpaaq atorlugu Netflix isiginnaarniarukku Internet Angisooq qummullu toqqassavat.