Menu

Ukiut tamaasa Kalaallit Nunaanni datanik atuineq annertuseriarujussuartarpoq, tamannalu TELE-POST-ip attaveqaatilersuineranut piumasaqaataaffiuvoq annertuunik. Sullitat nettimik atuinerujartorneranni illoqarfinni aamma nunaqarfinni sakkortusaavitsigut attaveqaatit tatisimaneqarnerat annertusiartuinnarsimavoq.
 
Imaatigut kabelip 2017-imi tallineqarneratigut TELE-POST-imut periarfissiivoq piffissami ungasinnerusumi sullitatta 92 %-iinut attaveqaatinik sukkanerujussuarnik neqerooruteqarnissamut. Anguniakkap tamatuma 2020 tikitsinnagu anguneqarnissaanut IP-teknologii pisariaqartinneqarpoq.
 
IP-nettip attaveqaatiginerusassaa tassaavoq siunissami imaatigut kabeli, maannakkut sakkortusaavitsigut attaveqaatit atorneqarput. Taamatut taarsiineq sullitanut amerlanerpaanut attaveqaatinik annertunerusumik piginnaasaqartumik atuilernissamut periarfissiivoq.
 
IP-netværkimut ikaarsaariarnissaq suliffeqarfiup netværkianik pitsaasumik allannguinerujussuussaaq, tamatumalu nuna tamakkerlugu amerlasuunut internetikkut ingerlalluarnermik misigisaqartitsilersinnaalluni.
 
Suliffeqarfitsinni anguniagaraarput ullut tamarluinnaasa sullitatta internettikkut aamma teknologiitigut allatigut ajornanngitsumik attaveqarnissamik misigisaqarnissaat. TELE-POST-ip netværkikkut aaqqissuussaanerata IP-netværkimut pitsaanerulersinneratigut tamanna anguneqarsinnaasunngortippaa. 
 
Linkit: