Menu

Juullernissaanut ullut ikiliartupallapput. Juullimut allakkatigut pilluaqqussutinik poortukkanillu nassiussassaqarussi kajumissaassavatsigit – nassiussassasi piffissaagallartillugu juullimullu qanillivallaartinnagu nassiutiaaqqullugit.

Covid-19, Sila, siku, teknikki kiisalu timmisartuni umiarsuarnilu inissat killeqarnerat aammalu akitsuuserisut nassiussanik misissuisussaasarneri pissutigalugit nassiussavit apuuffissaminnut apuunniartarnerat sivisusinnaasarpoq.

Ataani takusinnaavatit Danmarkimut juullimut allakkanik poortukkanillu nassiussinermi ullut nassiussivissat kingulliit. Nunatsinni illoqarfinnut, nunaqarfinnut inoqarfinnullu juulli sioqqullugu ullut nassiussivissat kingulliit pillugit paasisaqarnerorusukkuit najukkanni TELE-POSTi attavigiuk imaluunniit uunga emailersinnaavutit: post@telepost.gl