Menu


2018-ip aasaani mobilinut antennit nutaaliaanerpaat aammalu ledningeqanngitsumik attaveqaatit Kalaallit Nunaanni ikkussuunneqarlutik aallartinneqassapput. Naatsorsuutigineqarpoq suliaq 2019-ip ingerlanerani naammassineqassasoq, siunertaavorlu nunatsinni tamarmi illoqarfinni nunaqarfinnilu mobilinut attaveqaateqalernissat pitsassuarmik, aammalu innuttaasut 92 procentiisa qaammataasakkoortumik attaveqarfiunngitsuni najugalinnut interneteqartoqalissasoq sukkanerusumik.



2018-imi majimi nunaqarfimmi Kapisilinni Ericssonimeersut antennit nutaanerpaat, 4G-mut attaveqaammik misileraanitsinnut siullernut atasumik ikkussuuppagut.

Atortut taakku atorlugit TELE-POST-ip telefoneqarneq pitsaanerujussuaq tamanut pilersuissutigisinnaalerpaa aammalu interneti ledningeqanngitsoq sukkasooq innuttaasunut amerlanernut (nunatta innuttaasa 92 procentiinut) atorneqarsinnaatilerlugu. Nunat tamalaat 5G-mut atugaat atorneqalerpata, atortugut sukkasuumik 4G-miit 5G-mut aaqqinneqarsinnaassapput.

Attaveqaatit pitsassuit tulluusimaarutaapput
TELE-POST-imi pilersaarutaasoq ledningeqnngitsumik attaveqaataasoq tulluusimaarutigaarput, taaguuteqartipparpullu Mobile First-imik. Suliffeqarfiup ukiumoortumik ataatsimeersuarneranut atatillugu attaveqaatip sukkasuup nunaqarfimmi nalliuttorsiualaarutiginissaa aalajangiupparput.

TELE-POST-imi alla aamma tulluusimaarutigisarput tassaavoq, nunatsinni håndværkerit suleqatigalugit nunatsinni tamarmi antenninik nutaanerpaamik ikkussuinerup suliarineqarnissaa.

 


Allanik atuarit:

Attaveqaatinik uani maanna suliarinnippugut - Paasissutissat pingaarutillit-nut innersuussissut

Kapisillit attaveqaammi nutaami siulliupput

Kalaallit Nunaanni mobilinut attaveqaatit nutarterneqassapput