Menu

4G Sisimiuni atulissaaq

24/03/2014 - 15:56

TELE-POST-ip 4G Sisimiuni saqqummiutissavaa Mobilt Bredbånd Premium-imillu nioqquteqarneq tallimanngorpat 28. marts aallartissallugu. Taamaalillutik nunatsinni internetimik nioqqut sukkanerpaaq Sisimiormiut atugarisinnaanngussavaat.

4G-mut teknologiip internetimik atuineq sukkanerpaaq ledningeqanngitsoq iserfiusinnaanngortissavaa. Mobilt Bredbånd Premium taamaalilluni tallimariaammik nalinginnaasumut Bredbånd Premium-imut naleqqiulluni sukkanerulluni atorneqarsinnaanngussaaq. Poortukkami 20 GB-t ilanngussaapput, nioqqullu qaammammut 999 kr.-inik akeqarpoq.

Innuttaasunut TELE-POST-imi Nioqqutinut nittarsaassinermullu pisortaq Jonas Hasselriis nioqqutip nutaap taassuma suli siammariartornera tulluusimaarutigaa. Taanna oqarpoq: - Atuisutta ujartugarimmassuk sumiluunniit atuisinnaaneq pingaartissimavarput. Teknologiimut ullutsinnut naleqquttumut atuisutta atuisinnaanerat qulakkeerumavarput, 4G-llu siammarneqarnera pilersaarutip taassuma ilagaa. Internetimik atuinermi misigisaq Europami ilisimaneqartumut assingussaaq nioqqut taanna atorlugu.

Mobilt Bredbånd Premium maannakkuugallartoq taamaallaat Nuummi Sisimiunilu atorneqarsinnaavoq.