Menu

Allakkanik agguaassisarnermik allanngortitsineq

06/04/2017 - 13:20
Der bliver sendt færre og færre breve, som en tilpasning til denne udvikling er der nogle steder ændret på omfordelingen af post.

TELE-POSTi 2016-ip ukiaani Naalakkersuisunut qinnuteqarpoq allakkanik agguaassisarneq illoqarfinni 14-ini sapaatip akunneranut marloriarluni pisartoq sapaatip akunneranut ataasiarluni pisartussanngorlugu allanngortinneqarnissaanik akuerineqaqqulluni.

Qinnuteqaat akuerineqarpoq, ullorlu 3. apriili 2017 aallarnerfigalugu atuutilersinneqarluni.

Allakkat amerlanersaat postboksit atorlugit atuisutsinnut tunniunneqartarput, allannguinerlu atuisunut taakkununnga malunniuteqassanngilaq. Allakkat angisuut tamarmik, allakkanut nakkartitsisarfinnut ikineqarsinnaanngitsut, suli allakkap tiguneqarnerani nalunaarutigineqartassapput, allakkat taamaattut 70 %-iisa missaanniittut atuisumut SMSi imaluunniit maili aqqutigalugu nalunaarutigineqartarput.

Kalaallit Nunaat, nunani allani allakkeriviit assigalugit, allakkat amerlassusiisa annertuumik ikileriaateqarnerannik nalaataqarpoq.  Allakkat amerlassusiat ukiut 15-it ingerlaneranni 64 %-it missaannik annertussusilimmik ikileriaateqarput. Aaqqiissutinik digitaliusunik ineriartortitsinernut pilersitsiortornernullu atatillugu allakkat ikiliartortuarnissaat naatsorsuutigineqarpoq. Allakkanik nassitsinermut akit annertuumik qaffariaateqartinneqarnissaat TELE-POSTimut pinngitsoortinniarlugu ineriartornermut naleqqussarnissaq pisariaqarpoq, taamaalillunilu  illoqarfinni 14-ini sapaatip akunneranut marloriarluni allakkanik agguaassisarneq sapaatip akunneranut ataasiarluni pisartunngorlugu allanngortinneqarluni.

Allakkanut tunngatillugu niueqateqarnermi Nunap iluani piumasaqaatit nutaat linkimi uani takuneqarsinnaapput: https://telepost.gl/sites/default/files/forretningsbeting_breve_indl_gl_0.pdf