Menu

Allakkanik nassitsinermi akit allanngussapput

21/01/2019 - 15:18

2019-imi januaarip 21-ani allakkanut nalinginnaasunut nassiussinermi akit TELE-POSTip allanngortissavai.

Allagaq A 20 grami ataallugu oqimaassusilik nunatta iluani nassiunneqartussaq assersuutigalugu 14 kr.-iniit 15 kr.-inut akeqalissaaq. Allakkap taassuma assinga Europamut

nassiunneqartussaq 16 kr.-iniit 17 kr.-inut qaffanneqassaaq.

- Siornatigumut naleqqiullugu allakkanik ikinnerusunik nassussisarpugut, taamaattumik aningaasartuutitta matussuserniarnerat ajornakusoorpoq. Aaqqiissutissaq annikitsoq tassaavoq allakkanik nassiussinermi akinik allanngortitsineq, atuisunut allakkerinermullu pisortaq Per Svendsen oqarpoq.

Akit nutaat uani takukkit: https://telepost.gl/sites/default/files/181029_post_akit_priser_2019.pdf

Allanik paasisaqarumaguit uunga attaveqarit allakkanut Poortukkanullu akisussaasoq Nino Fencker attaviginissaanut tikilluaqqusaavutit nino@telepost.gl, 547854