Menu

Arfininngornerup ullaavani internet ajoquteqartoq

05/01/2019 - 10:22

Arfininngornerup ullaavani nalunaaqutaq 06.56 nunatta qeqqani avannaanilu internetsimut attaveqaatit tamarmik attaveerupput.

Canadamit USA-miillu attaveqarniarnitsinni attaviup ajoquserneranut attaveerunneq peqqutaavoq. Nalunaaqutap akunnera ataaseq akunniup aappaa affarlu qaangiummat ajornartorsiut aaqqiivigineqarpoq, maannalu attaveqaatit tamarmik naliginnaasumik ingerlaqqilerlutik. Attaveerunnerup kinguneranik ajoqutaasimasinnaasut tamaasa ajuusaarutigaavut.

Kukkunerit taamak ittut naliginnaasumik TELE-POST-ip attaveqaataanut sunniineq ajoraluarput, siornatigulli nalunaarutigeriikkatsitut Qaqortumiik Nuummut kaabili imartaaniittoq decemberip 27-iani 2018-imi aamma ajoquserpoq. Kaabilillu taassuma aaqqiivigineqarnissaa tikillugu Qaqortup avannaani internitsikkut attaveqaatit tamarmik Canadamut imartaani kabilikkut attaveqarallassallutik. Piffissallu tamatuma iluani ajoraluartumik attaveqarnikkut ajoqutit taamak ittut nalaatassaasarsinnaallutik.

TELE-POST-ip kiisalu Canadami USA-milu suleqatigut peqatigalugit attaveqaatit maanna nakkutigilluarpagut.

Nunatta kujataani atuisut qaammataasakkullu attaveqartut taamatut internetip attaveerukkaluarneranik sunnerneqanngillat.

Paasissutissanik arlaqarnerusunik pissarsiniarluni attaveqarfissaq: Attaveqaqatigiinnermut immikkoortortaqarfimmi sulisoq Paarnaq Hansen tlf. 56 33 76