Menu

Coding Pirates-imut peqataagit

22/01/2021 - 13:30
Nutaanik ilusilersuinissaq pilersitserusunnnerlu takorluugaraagit? Sulilu pitsaanerusumik, IT-mik nutaanik ilusilersuerusuppit pilersitserusullutillu?
Taamaassimappat aaqqissuussami nuannisaarfiusussami
nutaanik ilusilersuinermut piginnaasannik nukittorsaanissamut periarfissaqalerputit, teknologiimik pinnguarneq digitalilu atorlugu periarfissanik torrattunik kodiinermik ilinniarnissami.
 
Kodiinermik ilisimasaqartariaqanngilatit, aallartissaagut
tamatta peqataaffigisinnaasatsinni.
 
Aaqqissuussaq
Holdit siulliit aallartissapput arfininngornermi ulloq
6. februaari 2021 nal. 10-12.
Februaarimiit martsip tungaanut holdit ataasiakkaartillugit ingerlatsissaagut. Taamatut ingerlatsisoqassaaq ullut 14-ikkaarlugit arfininngornerni ullup qeqqata siorna TELE-POST-ip qullersaqarfiani, Farip Aqqutaa 8, 3900 Nuummi.
 
Angajoqqaanut ilisimatitsissut
Siunissamut digitalimik atuiffiusumut meeqqat piareersimatikkusuppiuk?
Taava meeqqavit Coding Piratesimik aaqqissuussinermut peqataanissaanut maannangaaq allatsereeruk peqataanissamut allattuivissakkut uani: www.codingpirates.dk/tilmelding taavalu immersugassaq immersorlugu. Innersuussissutitalimmik e-mailisereerussi isersinnaanngussaasi, taavalu Nuummi immikkoortortaq toqqassallugu. Inissat killeqarmata soqutiginninnerlu annertummat, mailikkut qaaqqusissummik tigusaqassaasi meeqqassi peqataanissaanut inaarutaasumik nalunaarutigereerpat. Qaaqqusissut akuerissavarsi.
 
TELE-POST-ip qarasaasiat angallattakkat mus-illu atugassatut piareersimatissavai, peqataanerlu akeqanngilaq.
 
Apeqqutissallit Piujuaannartitsinermut tunngatillugu
siunnersorti Tanja Christensen attavigisinnaavaat uunga
tanja@telepost.gl imaluunniit tlf.: 38 61 65-imut.
 
Qassinik ukioqarnissamut killissarititaasut: 8-niit 14-inut
ukiulinnut. Aaqqissuussami ataatsimi peqataasinnaasut
amerlanerpaaffissaat: 15-it.