Menu

Corona: Kode-lerinermik atuartitsinissaq kinguartinneqarpoq

06/04/2020 - 14:42

TELE-POST-ip aamma Kommuneqarfik Sermersuup suleqatigiinnissamik isumaqatigiissuteqarnertik ukioq manna aallartilaartoq nalunaaruteqarput. Suleqatigiissutigineqartoq tassaavoq suliniut ”Coding class”-it, taannalu atuaqatigiikkuutaanik klassinik sisamanik Coding Class pillugu atuartitsinermik, upernaakkut 2020-mi  ingerlanneqartussamik imaqarpoq.

Coding Class pillugu 7. Klassit sisamaasut ilaannut siullernut atuartitsineq apriilimi aallartittussaagaluarpoq, nualluutilli COVID-19-p nunatsinnut anngulluni ajornartorsiortitsinera pissutigaligu atuartitsinissaq ukiarumut pisussanngorlugu kinguartinneqarpoq.

Coding class pillugu atuartitsinermi 7. klassimi atuartut TELE-POST-imiit unammillernartunik suliakkerneqartassapput, tassani ajornartorsiut aalajangersimasoq aallaavigalugu aaqqiissutissamik digitaliusumik nassaarniartassallutik, suliartillu naammassippat suliffeqarfimmut saqqummiuttussaassallugu.

Coding Classit siunertaraat atuartut namminneerlutik aaqqiissutissanik digitaliusunik pilersitsisinnaalernissaat kiisalu teknologi inuiaqatigiit ineriartorneranni qitiulluinnartussaq iluaqutigalugu pinngorartitsillutik suliaqarsinnaalernissaat. 

 

 

 

 

Sukuuminerusumik paasisaqarusunnermi attavissaq: Tanja Christensen, HR-imi siunnersorti, oqar: 386165, email: tanja@telepost.gl