Menu

DHL-imik arpatsitsinissaq taamaatiinnarneqarpoq

04/08/2021 - 13:44

Nuummi arpattartorpassuit DHL-imik arpatsitsinermut ukiut tamaasa peqataanissartik erinigisarpaat. Arpatsitsisarnermik TELE-POST-imi aaqqissuussisartut taamaattoq aalajangerput ukioq manna 2021-mi DHL-imik arpatsitsinissaq taamaatiinnartariaqartoq Coronap ajornartorsiortitsinera peqqutigalugu.

- Upernaaq DHL-imik arpatsitsinissaagaluap piviusunngornissaa neriuutigalugu ukiaq mannamut kinguartikkaluarparput, kisianni arpatsitsisarnerit piareersarujussuaqqaartariaqartarmata aammalu massakkut Corona suli nalorninartorsiortitsimmat aalajangerpugut arpatsitsinissaq nuannarineqartaqisoq ukioq manna taamaatiinnartariaqartoq, taama oqarpoq Lars Rasmussen, TELE-POST-imi Nioqqutinut Niuernermullu pisortaq. 

DHL-imik aappaagu arpatsitsinissaq ullulerneqareerpoq, tassa sisamanngornermi 2. juni 2022 pissaaq, taamanikkussamulli pissutsit qanoq innerat soorunami apeqqutaajumaarput.

 

Paasisaqarnerorusunnermi attavigisassaq: TELE-POST-imi Nioqqutinut Niuernermullu pisortaq Lars Rasmussen, mobil: 56 45 56, email: laras@telepost.gl