Menu

Frequentis-ip nunarsuaq tamakkerlugu imaani ajornartorsiulernermi isumannaallisaanermilu atortulersuutaa iluatsilluartumik Kalaallit Nunaanni atulerpoq

06/10/2020 - 05:00

 

Nakkutilliissut Frequentis Maritimimeersoq GMDSS modulimik ilaneqarmat angallatinik inunnilluunniit ajornartoortoqartillugu, Aasianni MarTRX-i, ujaasinermut annaassiniarnermullu oqartussat kiisalu umiarsuit ajornartoortunut qanittumiissinnaasut sukkasuumik kalerrinneqarsinnaalerput.  

TELE-POST-ip, Nunatsinni allakkerinermik nalunaarasuartaateqarnermillu sullissisuusup imaatigut isumannaallisaaneq annertusiniarlugu Aasianni Technical and Operator Centerimut imaatigut angallannermik nakkutilliiviliortsitsinermut Frequentis neqerooruteqartussatut 2019-imi aasakkut toqqarpaa. TELEPOSTip sullissivitoqaq maanna atoqqittussaajunnaarlugu qamippaa, ikaarsaariarnerlu attaveqarnermut kipititsiviunngitsumik naammassillugu.  

” Nuannaarutigaarput Frequentisip GMDSS avataani sitemit akuerineqarsinnaalersissimammagu, taamaalillutami Covid-19-qarnerani angallannermik killilersuinerit uniffiginagit Sineriammut Radiomik nutarterineq naammassisinnaasimavarput. Sullissivittaap atortullu atorunnaartussap ikaarsaariarfimmi suleqatigiissinnaanerat uagutsinnut pingaaruteqarpoq. Nunatta imartaani angalasunut iluaqutissamik atortup MarTRX-ip siunissami atulernissaa toqqissisimanartipparput,” TELE-POST-imi Ataatsimoortukkaanik nioqquteqarnermut pisortaq Flemming Drechsel oqarpoq. 

Kalaallit Nunaat nunarsuarmi qeqertani annersaavoq 56.000-illu missaannik inoqartoq, Issittumi Canadap nunat avannarliillu akornanniippoq aalisarfissuulluni umiarsuarnillu takornariartaatinit ornigannaajulluni. Silap pissusia allanngoriartorpoq sermersuarlu aakkiartormat imaq qaffakkiartorluni, pissutsillu tamakku imaatigut ajornartoornermi attaveqaqatigiinnermut pitsaasunik tatiginartunillu atortoqarnissaq pingaaruteqalersippaat. Aasianni atortup Frequentisimeersup nassitsissutit HF imaluunniit VHF atorlugit oqaluussilluni nalunaartarnernik, silassamik nalunaaruteqartarnernik angalasunullu mianersoqqussuteqarnernik pitsaanerulersitsivoq. 

”Imarsiortunut sullissinermi pisariaqartitat assigiinngitsut naammassineqarnissaannut, soorlu sinerissami nakkutilliinermut angalasunillu kiffartuussinernut, Frequentisip MarTRX atorlugu periarfissiissutaa naleqqussarneqarsinnaavoq. GMDSS-ip nittartagaata avataaniit akuerineqarnera nuannaarutigaarput, tamanna pimoorussinitsinnut sullissattalu anguniakkaminnik angusaqarnissaannut tapersersuerusunnitsinnut takussutissaammat,” Frequentisimi Vice President Maritime, Khashayar Saravandi-Rad oqarpoq. 

Covid-19 angalanissamut naak killilersuigaluartoq, Frequentis maritimep suliamut atatillugu suleqatigiissitaata Kalaallit Nunaanni Global Maritime Distress and Safety System-imik (GMDSS) site accept-imillu (SAT) ungasianiit misileraanini iluatsippai. SAT upernaaq (2020) atulersussaasimagaluarpoq Covid-19-ili peqqutigalugu pilersaarusiorneq tallineqarmat suliffimmi annertuumik misileraasoqarpoq ungasianiillu akuersinissamik ingerlatsisoqarluni. Taamaaliornikkut atortunik nutaanik pitsaasumik atulersitsisoqarpoq. 

FREQUENTIS-imut tunngasut  

Frequentis, Wien-imi qullersaqarfilik, nunanut tamalaani nakkutilliiveqarfinnut isumannaallisaanikkut pingaarutilerujussuarnik suliaqartunut attaveqaqatigiinnikkut isumannaallisaanikkullu atortulersuutinik pilersuisuuvoq.  'Qitiusumik nakkutilliivinnut aaqqiissutit' tamakku Frequentis-imit ineriartortinneqarlutillu niuerutigineqarput soorlu makkunani: Silaannakkut angallannermut aqutsineq (inuttaasut sakkutuut silaannakkut angallannerannik aqutsineq, silaannakkut illersornissaq), oqartussat isumannaallisaanerat assartuussinerlu (politiit, qatseriveqarfiit, ambulancenik kiffartuussinerit, umiarsuarnik angallanneq qimuttuitsoqarnerlu). Nunarsuarmi tamarmi sullissisutut, Frequentis nunarsuaq tamakkerlugu immikkoortortaqarfeqarpoq, piginneqatigiiffeqarluni nunanilu 50-init amerlanerusuni sumiiffinni ataasiakkaani sinniisoqarfeqarluni.  

Nioqqutit aaqqiissutillu Frequentis-imeersut nunani 140-t missaanni 30.000-init amerlanerusunik sullissisullit nassaassaapput. Frequentis 1947-imi tunngavilerneqartoq silaannakkut angallannermik aqutsinermi attaveqaqatigiinnernut atortulersuutinik nunarsuarmi tamarmi niuernermi imminut siuttutut isigisoq niuernerup 30%-iata missaanik ingerlatsisuuvoq. Frequentis Group-ip AIM-imut atortulersuutai (Imarsiortut silaannakkut paasissutiissiisarnerannik aqutsineq - aeronautisk informationsstyring) aamma AMHS-imut atortulersuutai (imarsiortunut silaannakkut nalunaarasuartarnerannik isumaginninneq- aeronautical message handling) kiisalu atortulersuut GSM-R assartuinermi atortulersuut Nunarsuaq tamakkerlugu siuttuupput.  

Frequentis AG-mut piginneqataassutit Wienami Frankfurtimilu ticketimut ilisarnaatip FQT (ISIN: ATFREQUENT09) ataani niuerutigineqarput. Frequentisip 2019-imi Nunarsuaq tamakkerlugu sulisui 1.850-it missaanniipput kaaviiaartitaralugit EUR 303,6 mio.-it aammalu EBIT EUR 17,2 mio.-it  

Allanik paasisaqarumaguit www.frequentis.com alakkaruk.  

Jennifer McLellan, PR, Frequentis AG,  

jennifer.mclellan@frequentis.com, +44 2030 050 188