Menu

Frimærkini nutaani Kalaallit Nunaata Covid-19-imut akiuiniarnera meeqqallu Atualeqqaarfiat malunnartinneqarput

13/08/2020 - 15:41

TELE-POST frimærkinik nutaanik ullumikkut saqqummersitsivoq. Frimærkip aappaa tassaavoq ukioq manna nalinganut ilassutilittut saqqummersitaasoq. Taanna Kalaallit Nunaata Covid-19-imut akiuiniarneranut iluaqutissatut saqqummersinneqarpoq frimærkillu aappaani ulluni makkunani pisoqAtualeqqaarneq saqqummersinneqarluni. 

Kalaallit Nunaanni Covid-19-imut akiuiniarneq 
Dronning Ingridip Napparsimmavissuani Peqqinnissutsimut qullersaqarfik TELE-POST-imit upernaaq Covid-19 akiorniarlugu immikkut nalinganut ilassutilimmik frimærkimik suliaqarnissamik neqeroorfigineqarpoq. Peqqinnissamut qullersaqarfik akivoq taamaattumik frimærkiliornissaq isumassarsiatsialaasoq: 

"Peqqissutsimut qullersat frimærkimik Covid-19-imut akiuinissamut tunngatitamik suliaqartoqarneratigut neriuutigaat, coronavirusip siaruannginnissaanik suliniarneq, Kalaallit Nunaanni inuiaqatigiit tamarmik akisussaaqataaffigigaat erseqqissarneqassasoq. Peqqinnissamik suliaqartut, innuttaasullu immikkut mianerisassat, Covid 19-imillu kingunerlutsitsisinnaasut suli sillimaffigineqarput. Frimærkip tunisaanerani sinneqartoorutit akiuiniarnermi suliniutinut nutaanut amerlanerusunullu atorneqassapput – akiuiniarneq sulingaatsiaq ingerlasussaq."

Frimærki frimærkimik ataatsimik pisinermi 1 kronemik nalinganut ilassutilik 1990-imi Maniitsumi inunngorsimasumit Paarma Olsvig Brandtimit suliaavoq. Eqqumiitsuliortoq inuusuttunnguaq taanna Nuummi eqqumiitsuliornermut Ilinniarfimmi Århusillu Kunstakademiani ilinniarsimasoq frimærkiliortarnerup piumasaqaatitaqaqisup silarsuaanut taamaalilluni aappakaappoq. 

Atualeqqaarneq
Kalaallit Nunaanni atualeqqaarneq ilaqutariit nalliuttorsiorfiattut immikkut pingaartorsiutigineqartarpoq. Atualeqqaat angajoqqaavi ilaqutaallu assukkersorsimasut meeqqat silarsuaannik nutaamik ammaassisussanut atuarfinnukaasarputEqqumiitsuliortup Lisbeth Karlinep Nanortalimmi 1981-imi inunngorsimasup qulissaanneerluni TELE-POST-imut frimærkiliaa assilissamik nuannersunik ersersitsivoq.
Nunani allani naqiterivitta qularnaatsumik nassiussisinnaannginnera peqqutigalugu frimærkit TELE-POST Centeritsinni 15-iusuni augustip naalernerani aatsaat pisiarineqarsinnaalissapput. Kinguaattoorneq TELE-POST-imit ajuusaarutigaarput  

 

Kalaallit Nunaani frimærkit pillugit sukumiinerusumik paasisaqarusukkuit nittartagarput www.stamps.gl iserfigiuk. 

Sukumiinerusumik paasisaqarusunnermi attavigineqassaaq frimærkinut pisortaq Allan Pertti Frandsen, email: apf@telepost.gl, oqar. +45 61 39 30 65.