Menu

Frimærkinik nutaanik arfinilinnik TELE-POST saqqummersitsivoq

22/10/2019 - 12:52

Frimærkit nunatsinneersut mikisuupput, oqaluttuarisaanitsinnilli, pinngortitarsuatsinnik kulturitsinnillu naliitsumik oqaluttuartuullutik. Taamaattuarsimavorlu frimærki siullerpaaq 1938-imili saqqummersikkatsiguli.

Frimærkinit nutaanik arfinilinnik, nutaarluinnarnik sammisalinnik, TELE-POST ippassaq saqqummersitsivoq. Eqqumiitsuliortut pingasut Naja Rosing-Asvid, Miki Jacobsen aamma Gukki Nuka asseqanngitsunik frimærkiliortuupput, maanna naqinneqareerlutik nunarsuarmiunut katersuisartunut nassiunneqariaannanngortunik.

- Nunarsuatsinni frimærkinik pisartagaliutitsinnut aalajaatsunut tusinditilikkaanut nassiussassanik, maani Tasiilami sulisukka pikkorissut tunniusimalluinnartullu, sapaatip akunnerani qaangiuttumi, frimærkinik amerlaqisunik poortuisimapput. Suliami tassani peqataaneq nuannersorujussuuvoq.  

Taama oqaluttuarpoq Frimærkinut pisortaq Allan Pertti Frandsen kalaallit frimærkiliaat nuannarineqaqisut pillugit, nangipporlu:

-    TELE-POST-imi frimærkinut pisortatut tulluusimaarutigeqaara nunatta oqaluttuassartaata, pinngortitaata, kulturiatalu – frimærkini assiliat aqqutigalugit - siammartitsernissaanut suliami pingaarutilimmi peqataasinnaanera. Kalaallit Nunaanni eqqumiitsuliortunik pikkorilluinnartunik amerlasuunik peqarpugut, matumani suleqatigisatsinnik, Allan Pertti Frandsen oqarpoq.

Ippassaq ataasinngorneq 21. oktober aamma malunnartipparput filatiliap immikkoortoqarfiata Københavnimiit Tasiilamut angerlaanneranit ukiut 30-ngorneri. Ulloq nalliuttorsiorfiusoq tassaavoq sapaat 1. september, ippassarli malunnartinneqarpoq. Taamaasilluni TELE-POST Centerip illuutaani maani Tasiilami atuisartutsinnut kaffillerpugut.

TELE-POST-imiit frimærkit ukioq manna kingulliit, ippassaq saqqummersut – ukuninnga sammisaqarput:

Nunatsinni avatangiisit
Nunarsuatsinni unammilligassat maannakkorpiaq annersaat, pinngortitami plastikkit, frimærkini marlunni Naja Rosing- Asvidip nammineq paasinninnermisut takusassiarai. Nunatsinni avatangiisit pillugit frimærkiliat siulliit sisamat assigalugit, uku aamma pappiaqqanut nammineq nipputtartunut naqitaapput.

Aamarsuarnut pisissutissat
1900-ikkut ingerlaneranni mærkit aamarsuarnut pisissutissat Nunatsinni atorneqartut soqutiginartorujussuupput. Kipparissut aamarsuit puuinut Qullissaneersunut nalunaaqutsiunneqartarput, ammalortullu aamarsuarnut nunanit allaneersunut nalunaaqutsiunneqartarlutik. Taava atuisartut namminneq aalajangissavaat aamarsuit sorliit atorlugit angerlarsimaffimminni kissarsuutitit qisuttorniarnerlugit. Frimærkini marlunni Miki Jacobsenip kusanartunik assitalerlugit taakku takutippai.

Juullip nipitittagai nutaaliorfigalugit
2019-imi juullimut nipitittagaliavut qangatut ittunik assitaqarput – nutaaliaralugilli suliarineqarlutik. Juullimummi nipitittakkat marluk tamarmik qaamaneqalersartunik ilaqarput. Juullimut nipitittakkat tigummigukkit, takulluarsinnaassavat juullip ulloriaa orangiamik qaamaneqarluni qillaalasoq, arsarnerillu qorsorpaluttuullutik illoqarfiup qulaani qaammaqattaartut. Ukioq manna juullimut nipitittakkat TELE-POST-imeersut Gukki Nukap suliarai.

Frimærkit Nunatsinneersut pillugit annertunerusumik atuarit: www.stamps.gl.

Sukumiinerusumik paasisaqarusukkuit, frimærkechef Allan Pertti Frandsen attaviguut: apf@telepost.gl, tlf. +45 61 39 30 65